Tang 25 (53)

Nge Mon’og e Gagiyeg Rok Got

(Isaiah 9:​6, 7)

1. Ngan n’uf Got ya ke gel e Gagiyeg rok!

Be mon’og e maruwel e chiney.

Yibe n’uf Jehovah u fithik’ e tang

Ni yad e piin ni bay u p’eowchen.

Tabolngin fa En ni Ke Biyuliydad

Yib nga fayleng me par nib sobut’an’.

Be pining e pi saf rok e sorok ngak

Ya be par u ba’ ni mat’aw rok Got.

2. Be suwey Jesus u tagil’ e pilung;

Be sak’iy e girdi’ u p’eowchen.

Ra gagiyegnag e fayleng ni ga’ngin.

Ra chuweg gubin e toogor rok.

Bay nog Chitamangiy ni Manemus ngak,

Got ni Ba Gel, nge Pilung ko Gapas.

Ra gapas iyan ni bochan gelngin Got

Ma ra gel iyan e gagiyeg rok.

3. Gad ba flaab e chiney ni gad ba fos!

Ya be ga’ iyan e ulung rok Got.

Ngada falan’gad ni ngada uned ko

Fare maruwel ko machib u fayleng.

Ngada ginanged e girdi’ nib kireb;

Kari chugur nra taw Armageddon.

Nguuda machibnaged fare thin nib fel’

Murung’agen e Gagiyeg Rok Got.