Deer

◼ Rayog ni l’agruw e gallabthir ni ngar reportnagew e tayim ni yibe fanay ko fol Bible u tabinaw, fa?

Yugu aram rogon ni en ni matam e ir e ba milfan ngak ni nge llowan’nag e piin bitir me “fonownagrad nrogon girdien Kristus,” ma fagal llabthir e yow e ngar llowan’nagew pi fakrow. (Efe. 6:4) Be pi’ e Bible e athamgil nga laniyan’ e piin bitir ni gaar: “Mu telim ko tin ni be machibnag e chitamam ngom, ma ga uthum e lim ko tin ni be yog e chitinam.” (Prov. 1:8) N’en nib ga’ fan ko skul ni ma tay e gallabthir ngak pi fakrad e fol Bible ni yad ma tay u tabinaw.

Kafram, e goo faen ni be fil e Bible ngak e piin bitir u lan e tabinaw ndawor ni taufenagrad e rayog ni nge yoloy e tayim rok nga but’, ni yugu aram rogon ni fagal llabthir e yow l’agruw ni yow be un ko fare fol Bible. Machane, kan thilyeg e re n’ey. Faanra fagal llabthir e yow l’agruw ni yow be un i fil e Bible ngak fapi bitir, ma rayog ni nge bagayow me uneg taareb e awa ko report rok u gubin e wik. Riyul’ ni boor ko taareb e awa ni ma fanay e gallabthir u reb e wik ni ngar filed e Bible ngak pi fakrad. Ba gel e athamgil ni ma tay e gallabthir nge yog nra llowan’aged pi fakrad ni gubin ngiyal’. (Deut. 6:6-9) Machane, kemus ni urngin e awa ni kan fanay ko machib u mit e tabinaw e ir e baga’ fan ni nge m’ug u daken e report. Ere, dabi yoor ko taareb e awa nrayog ni nge reportnag e gallabthir, ni mus ni faanra boor e awa ni kan study riy u reb e wik, ara yima fil e Bible ngak fapi bitir ni tatabagayad. Kemus ni ta bagayow fagal llabthir e rayog ni nge reportnag fapi bitir ni study rok maku kemus ni taareb e return visit nrayog ni nge reportnag u gubin e wik.