Tang 99 (221)
Piin ni Fel’ Yangaren! Mu Folwokgad ko Michan’ Rorad
(Hebrews 6:12)
1. Kab bitir Samuel ma kan pi’ nga Shiloh
Me pigpig u tempel rok Got me ilal.
Ke mang reb e profet ko piyu Israel,
Me mang e Naz’rite ni ma tay fan Got.
Ba kireb pi fak Eli nprist nib tolang.
Yow ra kirebnag Samuel ya kab pagal?
Danga’, ya ba yul’yul’ me par ni be fol.
De pag ni ngan chafeg rok Jehovah Got.
2. Ku arrogon Timothy ni ke ilal
Me mang ba piilal nib cheg ko machib.
Ke fol ko gubin ban’en ni kan fil ngak.
Ke athamagil ni nge par nib yul’yul’.
Rib manigil thin u lan e ulung rok,
Dan togopuluw ni nge mang piilal.
Ke tow’ath ya ke un ku apostal Paul;
Ke yib angin e maruwel ko mission’ry.
3. Kun lemnag fachi buliyel nu Israel
Michan’ rok ku Got e bod e churuwo’.
Kan kol ke mang sib ma ke par nib yul’yul’;
Bochan nib pasig ma ke yib angin riy.
Ke machibnag fare ppin leengin Naaman:
‘Profet rok Jehovah ra golnag e m’ar.’
Ke fol fare ga’ ko salthaw nu Syria.
Ke flaab nib ‘chan e chi buliyel nem.
4. Gimed e pi pagal nge piin rugod
Mfolwokgad rok e pi fel’ yangaren ney.
Bay ban’en nib mil fan ngodad e chiney.
Ke mel’eg Jehovah e piin nra l’og.
Pi pagal nge rugod ngam uned ko cham
U taabang ko pi tapigpig rok Got.
Ngada ginanged e girdi’ ni gubin
Ma da uned ko pi flaab u tomuren.