“N’en ni Ke Michan’dad Ngay e Ir e Be Gagiyegnag e Ngongol Rodad . . . ma Gathi N’en ni Gadad be Guy”

De n’uw nap’an u m’on nni kol fare mach nu Jerusalem, min gothey, me yoloy apostal Paul murung’agen e piin Kristiano ni yad boch e salthaw rok Kristus ni thingar ra mada’niged boch e magawon, ma re n’ey e susun ni dabi k’aringrad ni ngar m’oneged u wan’rad e fel’ rogon rorad nge pi’ n’en ni yad ma rin’ ni ngar felfelan’gad ngay. (2 Tim. 2:3, 4) Bochan ni dabki n’uw nap’an ma yira kirebnag e re fayleng rok Satan ney, ma aram fan nib t’uf ni nge par e michan’ rodad nib gel ya nge yag ni ngad tiyan’dad ko tirok Got ban’en. (2 Kor. 4:18; 5:7) Mu yaliy fare video ni kenggin e ‘Walk by Faith, Not by Sight.’ (Mman ko jw.org, mag yaliy fare thin ni kenggin e PUBLICATIONS > VIDEOS.) Kam guy rogon ni ke magawon laniyan’ Naham nge Abital ni bochan chogowen e chugum. Tomur riy min weliy e pi deer ni baaray.

(1) Mang fare “N’en ni Th’abi Dabuy ni ke sak’iy u lan fa gin’en nib thothup” ko bin som’on e chibog, ma mang e thingari dugliy e piin Kristiano u Jerusalem ni ngar rin’ed? (Matt. 24:15, 16) (2) Mang fan nib t’uf ni nge gel e michan’ rok e piin ni ngar chuwgad ko re mach nem? (3) Mang boch ban’en ni thingar ra paged nga tomur? (4) Mang fan nib mo’maw’ rok Naham nge Abital ni ngar chuwgow ko fare mach nib papey? (Matt. 24:17, 18) (5) Mang boch e skeng ni mada’nag Rachel u nap’an ni be yan ni nge chuw ko fare mach nu Jerusalem? (Matt. 10:34-37; Mark 10:29, 30) (6) Uw rogon ni dag Ethan nib mich Jehovah u wan’ ma be pagan’ ngak? (7) Mang boch e magawon ni mada’nag e piin Kristiano ko fare mach nu Pella? (8) Uw rogon ni ke wer e michan’ rok Naham nge Abital ni buchuuw ma buchuuw? (9) Uw rogon ni ayuweg Jehovah e piin Kristiano ni ur pared u Pella? (Matt. 6:33; 1 Tim. 6:6-8) (10) Uw rogon ni ngad folwokgad rok Abraham nge Sarah u nap’an ni gad be chugur i yan nga tomuren e re m’ag nib kireb ney? (Heb. 11:8-10) (11) Mang e rin’ Naham nge Abital mar dugliyew ni ngar sulow nga Jerusalem, ma mang fan nde puluw e n’en ni kar dugliyew ni ngar rin’ew? (Luke 21:21) (12) Nap’an ni sul Naham nge Abital nga Jerusalem, ma ke uw rogon e par ko re mach nem? (13) Mang fan nib t’uf ni ngad gelnaged e michan’ rodad e ngiyal’ ney u m’on ni ngan thang e re m’ag nib kireb ney?​—Luke 17:31, 32; 21:34-36.

Ra ngad pared nib gel e michan’ rodad ma be yip’ fan ni nge (1) pagan’dad u rogon ni be pow’iydad Jehovah, ma (2) ngad paged e pi fonow rok ni nge pow’iydad, ma (3) gad dag nib ga’ fan u wan’dad e tirok Got ban’en ko tin nu fayleng ban’en. Ere, ngad dugliyed u wan’dad ni ngad pared nib gel e michan’ rodad, me pagan’dad nre “fayleng ney nge urngin ban’en ni ba’ riy ni be yim’ e girdi’ ni bochan e bayi m’ay; machane en nra rin’ e tin nib m’agan’ Got ngay e ra par nib fos ndariy n’umngin nap’an.”​—1 John 2:17.