Ngad Mon’oggad ko Machib​—Ngan Pi’ e Athamgil Nga Laniyan’ e Piin ni Yad Baadag e Machib ni Ngar Uned ko Muulung

FAN NIB GA’ FAN: Nap’an ni gad ma yan ko muulung ma aram e ngiyal’ ni gad ma “pining e sorok” ngak Jehovah u daken e tang ni gad ma ‘yon’.’ (Ps 149:1, BT) Ku aram e gin ni gad ma fil rogon ni ngad rin’ed e tin nib m’agan’ Got ngay. (Ps 143:10) Ba ga’ ni faanra nge un e piin ni gad ma fil e Bible ngorad nge piin ni yad baadag e machib ko muulung, ma aram e n’en ni ma ayuwegrad ni nge mom rogon ni ngar mon’oggad ko tirok Got ban’en.

ROGON NI NGAN RIN’:

• Nap’an ni ga ra pirieg be’ ni baadag e machib mag gay rogon ni ngam pining ni nge un ko muulung. Dariy fan ni ngam son nge taw ko ngiyal’ ni ke yag ni ngam filew e Bible u taabang mfin mu pining ni nge un ko muulung.​—Re 22:17

• Mu weliy ngak be’ ni baadag e machib e n’en ni gad ma rin’ u nap’an e muulung nge n’en ni yira weliy ko bin migid e muulung. Ku rayog ni ngam fanay reb ko pi n’en ni baaray u but’ u nap’an ni ga be gay rogon ni ngam pining be’ ni nge un ko muulung: fare babyor ni yibe pining e girdi’ ni ngar uned ko muulung, nge fare video ni kenggin e Mang e Yima Rin’ ko Pi Tagil’ e Liyor Romad?, nge guruy ni 5 nge 7 ko fare ke babyor ni kenggin e N’en Nib M’agan’ Jehovah Ngay

• Mu pi’ e ayuw. Gur, ba t’uf ni ngan ayuweg faen ni baadag e machib ni nge thap ko muulung ara ngan ayuweg ya nge nang ko mang mad e ba fel’ ni nge chuw ngay u nap’an nra un ko muulung? Nap’an e muulung mab fel’ ni ngam parew u taabang ya nge yag nim yaliyew e ke rom e babyor, mu kum guy rogon ni nge mada’nag yugu boch e girdi’ u lan e ulung