Ra Garer e Tamilangan’ rok Got u Ga’ngin Yang e Fayleng

11:6-9

Rogon nib l’ag rogon e re yiiy ney ngak piyu Israel

• Nap’an ni chuw piyu Israel ko fare nam nu Babylon ni yad be sul ko nam rorad nge ngiyal’ ni kar tawgad ngaram, ma de t’uf ni ngar rusgad ko gamanman nib maloboch ara girdi’ nib kireb.​—Ezr 8:21, 22

Rogon nib l’ag rogon e re yiiy ney ngodad e ngiyal’ ney

• Tamilangan’ ni yib rok Jehovah e ke yag ni nge thilyeg e ngongol rok e girdi’. Ere, pi girdi’ ni ur moyed kafram ni yad ba tacham e ke yag ni ngar awnaged e gapas u thilrad boch e girdi’. Ma bochan e tamilangan’ rok Got ma aram e n’en ni ke ayuweg e girdi’ rok u ga’ngin yang e fayleng ni ngar pared u fithik’ e gapas nge felfelan’.

Rogon nra lebug e re yiiy ney boch nga m’on

• Ra boch nga m’on ma ra sul e re fayleng ney nga rogon ni immoy ko som’on ni aram e gad ra par u fithik’ e gapas mab pagan’dad. Ya ra taw ko ngiyal’ nem ma dariy be’ nra magawonnagdad maku dariy ba mit e gamanman nra k’aring e marus ngodad

Ke thil e ngongol rok Paul ni bochan e pi n’en ni ke fil u murung’agen Got

• Nap’an ni immoy Saul ni ir reb e Farise mab kireb e ngongol rok ni bod e ngongol ko gamanman.​—1Ti 1:13

• Nap’an ni fil e tin riyul’ u murung’agen Got ma aram e n’en ni ke thilyeg e ngongol rok.​—Kol 3:8-10