Mang nib Ga’ Fan e Bin Riyul’ e Liyor u Wan’um?

Fare tempel nni pilyeg e changar rok Ezekiel nge guy e pi’ e athamgil nga laniyan’ e pi Jew ni kan kalbusnagrad, ya bochan ni ke pi’ e pagan’ ngorad ni yira sulweg e bin riyul’ e liyor nga rogon. Ngiyal’ ney ko tin tomuren e rran e ke par e bin riyul’ e liyor “ni ir e ba th’abi tolang,” ma gadad ba muun ngak e piin ni kar bad ko pi nam ni yad be thelep i yan ko fare burey rok Somol. (Isa 2:2) Ere gur, ga ma fal’eg i lemnag e tow’ath ni bay rom ni aram e ga manang Jehovah ma ga be pigpig ngak?

PI TOW’ATH NI MA YAG NGODAD NI BOCHAN NI GAD BE UN KO BIN RIYUL’ E LIYOR:

• Boor ban’en ni kan pi’ ngodad ni bay rogon ko tirok Got ban’en ni be pi’ e fulweg ko pi deer nib ga’ ni ma fith e girdi’ u murung’agen e yafos, nge fonow nib manigil nra yib angin ko yafos rodad, nge bin riyul’ e athap ni fan ngodad boch nga m’on.​—Isa 48:17, 18; 65:13; Ro 15:4

• U ga’ngin yang e fayleng e bay e pi walagdad riy ni gad ma t’ufeged gadad.​—Ps 133:1; Joh 13:35

• Rayog ni ngad maruwelgad Got u taabang ni aram e ngad rin’ed e re maruwel ney ni ma pi’ e felfelan’ ngodad.​—Acts 20:35; 1Ko 3:9

• Rayog e “gapas rok Got” ngodad ni aram e n’en ni ma pi’ gelngidad u nap’an ni gad ra mada’nag e magawon.​—Fil 4:6, 7

• Rayog ni nge beech e nangan’ rodad.​—2Ti 1:3

• Rayog ni ngad manged e ‘fager rok’ Jehovah.​—Ps 25:14

Mang boch e kanawo’ nrayog ni nggu dag riy nib ga’ fan e bin riyul’ e liyor u wan’ug?