Ke Pining Jesus e Sorok Ngak e Chitamangin

7:15-18, 28, 29; 8:29

Gubin ban’en ni ma yog Jesus nge pi n’en ni ma rin’ ma ma pining e sorok riy ngak e Chitamangin ni bay u tharmiy. Baadag Jesus ni nge nang e girdi’ ni pi n’en ni be fil ngorad e yib rok Got. Aram fan ni ma puluwnag e tin ni ma fil ko girdi’ ko n’en ni be yog fare Babyor nib Thothup, ma boor yay ni ma sul nge weliy ban’en ni bay u lan e pi babyor nem. Mus ko ngiyal’ nra pining e girdi’ e sorok ngak, ma ma yog ni gathi ir e ngan pining e sorok ngak, ya Jehovah e ngan pining e sorok ngak. N’en nri baadag ni nge rin’ e nge mu’nag fare maruwel ni ke pi’ Jehovah ngak ni nge rin’.​—Joh 17:4.

Uw rogon nrayog ni ngad folwokgad rok Jesus u nap’an ni . . .

• gad be fil e Bible ngak be’ ara gad be pi’ e welthin?

• be pining e girdi’ e sorok ngodad?

• gad be guy rogon ni ngad dugliyed rogon ni ngad maruwelgad ko tayim rodad?