BIN 13

Ngan Tamilangnag e N’en nib T’uf ni Ngan Fol Riy

Proverbs 3:21

N’EN NI NGAN RIN’: Mu ayuweg e piin be motoyil ni ngar nanged rogon angin e pi n’en ni ga be weliy ngorad nge n’en nib t’uf ni ngar rin’ed ngay.

Mu lemnag e piin be motoyil. Mu lemnag fan nib t’uf ni ngar rung’aged e pi thin nem, mu kum lemnag boch ban’en nrayog ni ngam weliy nra ayuwegrad.
Mu tamilangnag u lan e welthin rom e n’en nib t’uf ni nge rin’ e piin be motoyil. Susun nu tabolngin e welthin rom ma piin be motoyil e rayog ni ngar guyed ni n’en ni ga be weliy e ra ayuwegrad. Nap’an ni ga be tamilangnag e tin nib ga’ fan ko n’en ni ga be weliy, mag weliy rogon ni ngan fol riy. Mu tamilangnag e n’en ni ga be weliy.

Mu weliy u fithik’ e t’ufeg nge sumunguy rogon ni ngan fol ko pi kenggin e motochiyel u Bible. Ba mudugil ni ga manang ni piin be motoyil ngom e yad ra fol ko fonow ni ga be pi’. Ere mu gelnag e t’ufeg nge michan’ rorad ngak Jehovah ko bin ni ngam k’aringrad ni ngar lemnaged nde fel’ e n’en ni yad be rin’.