PI N’EN NI MA RIN’ E PIIN KRISTIANO
Rogon Nrayog ni Nge Gelnag e Piin Mabgol e Tha’ u Thilrad
Abraham nge Sarah e l’agruw ni’ nib manigil ni ngan folwok rorow u rogon ni ur t’ufegew yow maku yow be tay farow. (Ge 12:11-13; 1Pe 3:6) Machane bay yu ngiyal’ ni ur mada’nagew e magawon u lan e mabgol rorow, maku thingar ra athamgilgow u fithik’ e pi magawon nem. Mang boch ban’en nrayog ni nge fil e piin mabgol ko pi n’en ni i rin’ Abraham nge Sarah?
Ngaum nonow ngomew. Mu non u fithik’ e sobut’an’ ni yugu aram rogon ni ke yog e en mabgol rom boch ban’en ngom u fithik’ e damumuw. (Ge 16:5, 6) Mu puruy’nagew e tayim ni ngam rin’ew boch ban’en u taabang. Mog boch ban’en ara mu rin’ boch ban’en nra m’ug riy ni ga be t’ufeg e en mabgol rom. Ma bin th’abi ga’ fan e ngam m’onegew Jehovah u lan e mabgol romew u daken e fol Bible, nge meybil, nge pigpig ni gimew be tay ngak u taabang. (Ek 4:12) Piin mabgol nib chugur e tha’ u thilrad e yad ma pining e sorok ngak Jehovah ni Ir e Ke Sunmiy e mabgol nreb e yaram nib thothup.
NGAN YALIY FARE VIDEO NI KENGGIN E HOW TO STRENGTHEN THE MARRIAGE BOND, NGEMU’ MIN PI’ E FULWEG KO PI DEER NI BAARAY:
Mang e be m’ug riy ni be palog e tha’ u thilin Shaan nge Kiara?
Mang nib ga’ fan ni nge puf e numon u thilin e piin mabgol, ma u rogned e thin u fithik’ e yul’yul’ ya nge yag ni nge fel’ e mabgol rorad?
Uw rogon ni ke ayuweg e n’en ni rin’ Abraham nge Sarah Shaan nge Kiara?
Mang boch ban’en ni ke rin’ Shaan nge Kiara ya nge yag ni ngar gelnagew e tha’ u thilin e mabgol rorow?
Mang fan nde puluw ni nge lemnag ba wu’ e mabgol ndariy ba ngiyal’ nra sum e magawon u lan e mabgol rorow?
Rayog ni ngam gelnag e tha’ u thilmew e en mabgol rom!