BOCH E THIN NIB GA’ FAN KO THIN ROK GOT | GENESIS 18-19

Fare “Tapufthin ko Fayleng ni Polo’” e Ke Gothey Yu Sodom nge Gomorrah

18:23-25, 32; 19:24, 25

Mang e gad ra fil ko n’en ni rin’ Jehovah ko fa gal binaw nu Sodom nge Gomorrah?

Dabi pag Jehovah e kireb ni nge par ndariy n’umngin nap’an
Piin yad ra magey ni yad ba fos u nap’an nra fek Jehovah e pufthin rok i yib e aram e piin ni yad ma tiyan’ ko n’en nib m’agan’ ngay mi yad fol riy.—Lu 17:28-30

Reb e walag nib pagel ni be siyeg l’agruw ni’ ni gathi yow e Pi Mich ni yow be pining ni nge un ngorow ko muun rrum, nge mathoy tamagow, nge gosgos ni yibe fek e salpiy riy.

MU FITHEM NI NGE LUNGUM: ‘Gur, ma magawon lanin’ug u nap’an ni gu ra guy e ngongol nib kireb ni be rin’ e girdi’ ko re fayleng ney?’ (2Pe 2:7) ‘Gu ma dag u daken e pi n’en ni gu ma rin’ u reb e rran ngu reb ni tirok Jehovah ban’en e aram e n’en nth’abi ga’ fan u wan’ug, fa?’