Nga Nog Ban’en nib Manging’ u Tungun e Welthin

Eklesiastes 12:13, 14

N’EN NI NGAN RIN’: Nap’an ni ga ra taw nga tungun e welthin rom, mag pi’ e athamgil ngak e piin be motoyil ni nge m’agan’rad ko n’en ni kar filed mar folgad riy.

ROGON NI NGAN RIN’:

• Ra taw nga tungun e welthin rom mag sul u daken e n’en ni kam weliy. Mu sul u daken e tin nib ga’ fan ni kam weliy nge n’en ni bay u kenggin e welthin rom.

• Mu pi’ e athamgil ngak e piin be motoyil. Mu tamilangnag ngorad e n’en ni ngar rin’ed nge fan nib puluw ni ngar rin’ed e pi n’em. Mu non u reb e kanawo’ nra m’ug riy nrib mich u wan’um e n’en ni ga be weliy.

• Mog buchuuw ban’en u tungun e welthin rom nib mom ni ngan nang fan. Dab mu tabab i weliy boch ban’en ndawor mu weliy u lan e welthin rom. Mu pi’ e athamgil ngak e piin be motoyil ni ngar folgad ko n’en ni kam weliy ni ga be fanay in bug e thin.