Mang e Ba M’agan’ Got Ngay ni Fan Ngodad?

Be yog e Bible ni yafos ko girdi’ e “ba ngoch mab sug ko oloboch.” (Job 14:1, BT) Gur, ireray e n’en ni baadag Got ni fan ngodad? Faanra danga’, me ere mang e ba m’agan’ ngay ni fan ngodad? Ma gur, ra buch e pi n’em, fa? Baaray e fulweg riy ni be pi’ e Bible nra fal’eg lanin’uy.

1. Mang e baadag Jehovah ni fan ngodad?

Baadag Jehovah ni nge fel’ e par rodad. Nap’an ni sunmiy e gal nsom’on e girdi’ ni aram Adam nge Efa, me tayrow nga lan ba milay’ nrib fel’ yaan ni ka nog yu Eden ngay. Ngemu’ “me tow’athnagrow ko re bugithin ni baaray ni yog ni gaar, ‘Mu diyengow nge yoor pi fakmew, nge wer e piin ni owchemew nga gubin yang u fayleng ngar pired riy mi yad suwey.’” (Genesis 1:28) Baadag Jehovah ni ngar fakayew e bitir, mar ngongliyew e re fayleng ney ni ga’ngin nge paradis, mar ayuwegew e gamanman. Ba m’agan’ ngay ni nge par urngin e girdi’ nib fel’ fithik’ i dowrad ndariy n’umngin nap’an.

Yugu aram rogon ni gathi aram rogon e n’en ni buch,a machane dawori thil e n’en nib m’agan’ Got ngay. (Isaiah 46:10, 11) Ka baadag ni nge par e girdi’ ni yad ma fol ndariy n’umngin nap’an ni ke fel’ rogon gubin ban’en.​—Mu beeg e Revelation 21:3, 4.

2. Uw rogon nrayog ni ngad pared ni gad ba felfelan’ e chiney?

I sunmiydad Jehovah nib t’uf ni nga i pow’iydad. Aram fan ni gad baadag ni ngad nanged murung’agen ma gad liyor ngak. (Mu beeg e Matthew 5:3-6.) Baadag ni nge chugur e tha’ u thildad, ‘mu ud rin’ed urngin e tin ni ke yog ngodad. Mu ud pired nib t’uf rodad,’ ma gad pigpig ngak ‘u polo’ i gum’ircha’dad.’ (Deuteronomy 10:12; Psalm 25:14) Gad ra rin’ e re n’ey, ma aram e rayog ni ngaud pared ni gad ba felfelan’ ni yugu aram rogon ni gad be mada’nag e magawon. Gad ra liyor ngak Jehovah, ma aram e gad ra par ni gad ba felfelan’ ni bochan e gad be rin’ e n’en nib m’agan’ ngay ni fan ko par rodad.

3. Baadag Jehovah ni nge fel’ e par ko girdi’

Mu yaliyew e re VIDEO ney, mi gimew weliy e fulweg ko re deer ni baaray.

VIDEO: Why Did God Create the Earth?​—Excerpt (1:41)

• Mang fan ni sunmiy Got e fayleng rodad nrib fel’ yaan?

Be yog e Bible ko Eklesiastes 3:11, NW nnap’an ni sunmiy Jehovah e girdi’, me “tay e manemus nga lanin’rad.” Mu weliyew e fulweg ko re deer ni baaray:

• Mang e ga be fil u murung’agen e n’en nib m’agan’ Jehovah ngay ni fan ngodad ko re thin nu Bible ney?

4. Dawori thil e n’en nib m’agan’ Jehovah ngay

Mu beegew e Psalm 37:11, 29 nge Isaiah 55:11, mi gimew weliy e fulweg ko re deer ni baaray:

• Uw rogon ni kad nanged ndawori thil e n’en nib m’agan’ Jehovah ngay ni fan ngodad?

5. Gad ra liyor ngak Jehovah, ma aram e gad ra par ni gad ba felfelan’

VIDEO: I Learned the Purpose of Life (5:03)

• Nap’an ni nang Terumi fan ni kan sunmiydad, ma uw rogon ni yib angin ngak?

Mu beegew e Eklesiastes 12:13, mi gimew weliy e fulweg ko re deer ni baaray:

• Bochan urngin ban’en ni ke rin’ Jehovah ni fan ngodad, ma mang e ba milfan ngodad ni ngad rin’ed ni fan ngak?

N’EN KAN FIL

Baadag Jehovah ni ngad pared u fayleng ndariy n’umngin nap’an ni ke fel’ rogon gubin ban’en. Nap’an ni gad ra liyor ngak u polo’ i gum’ircha’dad, ma mus ko chiney nrayog ni ngad pared ni gad ba felfelan’.

Ngan Sul u Daken

• Mang e ba m’agan’ Jehovah ngay ni fan ngak Adam nge Efa?

• Uw rogon ni kad nanged ndawori thil e n’en nib m’agan’ Got ngay ni fan ko girdi’?

• Uw rogon ni ngam par ni gab felfelan’?

MU GAY MURUNG’AGEN

Mu guy e mich riy nriyul’ ni immoy fare milay’ nu Eden.

“Riyul’ Fare Milay’ Nu Eden Fa Danga’?” (Fare Wulyang ko Damit, February 1, 2011)

Mu fil fan nrayog ni nge pagan’dad ngay nra par e re fayleng ney ndariy n’umngin nap’an.

“Will the Earth Be Destroyed?” (Article ni bay ko website)

Mu guy e n’en be yog e Bible u murung’agen fan e yafos rom.

“What Is the Meaning of Life?” (Article ni bay ko website)

Mu guy rogon ni nang be’ nib pumoon e n’en ndariy u lan e yafos rok ni yugu aram rogon ni be lemnag ni urngin ban’en ma bay rok.

Now I Have a Life of Purpose (3:55)