GURUY NI 55
Mu Ayuweg e Ulung Rom
Pi tapigpig rok Jehovah u ga’ngin yang e fayleng e yad ba felfelan’ ni yad ma liyor ngak ko ulung ni yad bay riy. Yad ba felfelan’ ko fonow ni yima pi’ ngorad nge rogon ni yima pow’iyrad, mab m’agan’rad ngay ni ngar ayuweged e ulung u boor e kanawo’. Aray rogon ni ga ma lemnag e ulung rom, fa?
1. Mang boch e kanawo’ nrayog ni ngam fanay e tayim rom nge gelngim riy ni ngam ayuweg e ulung?
Gad gubin nrayog ni ngad pied e ayuw u lan e ulung. Bay boch e girdi’ u lan e ulung rom ni kar pilibthirgad ara yad ba m’ar, fa? Gur, rayog ni ngam ayuwegrad ni ngar bad ko muulung? Fa gur, rayog ni ngam ayuwegrad u boch ban’en ni bod ni ngam fek e chuway’ rorad ara ngam ayuwegrad u boch e maruwel u tabinaw, fa? (Mu beeg e James 1:27.) Ku rayog ni ngad ognaged gadad ni ngad klinnaged Tagil’ e Liyor rodad ma gad be ngongliy e yungin ke kireb riy. Dariy be’ ni be towasariydad ni ngad rin’ed e pi n’ey, ya t’ufeg rodad ngak Got nge pi walagdad e aram e n’en ma k’aringdad ni ngad ‘ognaged gadad’ ko pi maruwel ney.—Psalm 110:3.
Piin kar taufegad e ku bay boch e kanawo’ nrayog ni ngar ayuweged e ulung riy. Pi walag ni pumoon ni ke bung rogorad e rayog ni ngar pigpiggad ni yad boch e ministerial servant me munmun mar manged boch e piilal. Pi walag ni pumoon nge ppin e ku rayog ni ngar pied e ayuw ko fare maruwel ni machib ni aram e ngar pigpiggad ni yad boch e pioneer. Bay boch e Pi Mich nrayog ni ngar uned i toy boch e tagil’ e liyor ara ranod ra pied e ayuw nga reb e ulung nib t’uf e ayuw riy u boch ban’en.
2. Uw rogon nrayog ni ngad fanayed e salpiy nge chugum rodad ni ngad ayuweged e ulung?
Rayog ni ngad pininged e sorok ngak Jehovah ko “tin nib th’abi fel’” ni bay rodad. (Proverbs 3:9) Gad ba felfelan’ ngay ni ngad pied e salpiy nge boch ban’en ni bay rodad ni ayuw ni fan ko ulung ni gad ma un ngay nge fare maruwel ni machib ni yibe rin’ u ga’ngin yang e fayleng. (Mu beeg e 2 Korinth 9:7.) Salpiy ni ayuw ni gad ma pi’ e ku yima fanay ni ngan ayuweg e piin kar gafgowgad u tan e yoko’, ara durru’, ara boch ban’en ni ma yib ni yima gafgow riy. Boor e piin kar dugliyed ni ngaur ‘ted ban’en nga bayang’ ni gubin ngiyal’ ni ngaur pied ni ayuw. (Mu beeg e 1 Korinth 16:2.) Rayog ni ngad ted e salpiy ni ayuw nga lan e kahol u tagil’ e liyor rodad ara da pied u online ko donate.jw.org. Rayog ni nge m’ug nib t’uf Jehovah rodad u nap’an ni gad ra fanay e salpiy nge chugum rodad ni ngad ayuweged e ulung.
KUM FIL BOCH BAN’EN U MURUNG’AGEN
Kum fil murung’agen boch e kanawo’ nrayog ni ngam ayuweg e ulung riy.
3. Rayog ni ngad fanayed e salpiy nge chugum rodad
Piin yad ma pi’ ban’en u fithik’ e felfelan’ e yad ba t’uf rok Jehovah nge Jesus. Bod ni yog Jesus nib fel’ e n’en ni rin’ be’ nib pin ni ke yim’ figirngin ni pi’ e chuuw i salpiy ni bay rok ni ayuw ni yugu aram rogon nib gafgow. Mu beegew e Luke 21:1-4, mi gimew weliy e fulweg ko gal deer ni baaray:
Gur, ba t’uf ni ngad pied e salpiy ni ayuw nib ga’ ya nge yag ni m’agan’ Jehovah ngay, fa?
Uw rogon u wan’ Jehovah nge Jesus e salpiy ni ayuw ni gad ma pi’ ni ke yib u gum’ircha’dad?
Mu yaliyew e re VIDEO ney ni be weliy rogon ni yima fanay e salpiy ni ayuw ni gad ma pi’. Tomuren mi gimew weliy e fulweg ko re deer ni baaray.
Uw rogon ni yima fanay e salpiy ni ma pi’ e girdi’ ni ayuw ni nge ayuweg e pi ulung u ga’ngin yang e fayleng?
4. Rayog ni ngad pied e ayuw
Pi tapigpig rok Jehovah kakrom e ba gel e maruwel ni ur ted ni ngar ngongliyed e yungin ke kireb ko tagil’ e liyor rorad. Machane gathi kemus ni yigoo salpiy ni ayuw e ur pied. Mu beegew e 2 Kronicles 34:9-11, mi gimew weliy e fulweg ko re deer ni baaray:
Uw rogon ni i ayuweg piyu Israel e naun rok Jehovah ara tagil’ e liyor?
Mu yaliyew e re VIDEO ney ni be weliy rogon ni ma folwok e Pi Mich Rok Jehovah ko re n’ey ni un rin’ kakrom. Tomuren mi gimew weliy e fulweg ko gal deer ni baaray.
Mang nib ga’ fan ni ngaud ted Tagil’ e Liyor rodad nib beech mab fel’ rogon gubin ban’en riy?
Mang boch e kanawo’ nrayog ni ngam pi’ e ayuw riy?
5. Rayog ni nge nameg e pi walag ni pumoon boch e maruwel
Be pi’ e Bible e athamgil nga laniyan’ e pi walag ni pumoon ni ngar nameged ni ngar rin’ed urngin e tin rayog rorad ni ngar ayuweged e ulung. Mu yaliyew e re VIDEO ney ni be dag rogon ni rin’ reb e walag e re n’ey. Tomuren mi gimew weliy e fulweg ko re deer ni baaray.
Uw rogon ni guy Ryan rogon ni nge yoornag e tin be rin’ ya nge yag ni ayuweg e ulung?
Be weliy e Bible e n’en nthingari rin’ e pi walag ni pumoon u m’on ni ngar manged boch e ministerial servant nge piilal. Mu beegew e 1 Timothy 3:1-13, mi gimew weliy e fulweg ko pi deer ni baaray:
Mang e thingari rin’ e pi walag ni pumoon ni yad be nameg ni ngar manged boch e ministerial servant nge piilal?
Mang e thingari rin’ girdien e tabinaw rorad?—Mu guy e verse 4 nge 11.
Faanra guy e pi walag ni pumoon rogon ni ngar rin’ed e pi n’ey, ma uw rogon nra yib angin ngak urngin e girdi’ u lan e ulung?
RAYOG NI NGE GAAR BE’: “Uw e ma fek e Pi Mich Rok Jehovah e salpiy riy ni ngar fanayed ko maruwel rorad?”
Uw rogon ni ga ra fulweg?
N’EN KAN FIL
Rib ga’ fan u wan’ Jehovah e tayim rodad, nge gelngidad, nge salpiy, nge chugum rodad ni gad ma fanay ni ngad ayuweged e ulung ngay.
Ngan Sul u Daken
Uw rogon nrayog ni ngad fanayed e tayim rodad nge gelngidad ni ngad ayuweged e ulung?
Uw rogon nrayog ni ngad fanayed e salpiy nge chugum rodad ni ngad ayuweged e ulung?
Mang boch e kanawo’ ni ga baadag ni ngam ayuweg e ulung riy?
MU GAY MURUNG’AGEN
Mu beeg fan ndakir yog Got ngak e pi tapigpig rok ni ngar pied taab guruy u ragag guruy e tin bay rorad ngak.
“What Does the Bible Say About Tithing?” (Article ni bay ko website)
Bay boch e maruwel ni be yog e Bible ni fan ko piin pumoon ni kar uned ko taufe. Machane uw rogon ni faanra ba t’uf ni nge rin’ reb e ppin nib taufe e pi maruwel ney?
Mat’awun e Piin Piilal u Lan e Ulung” (Fare Wulyang ko Damit, February 2021)
Mu yaliy rogon ni i milekag boch e Pi Mich ni yugu aram rogon nib mo’maw’ ya nge yag nra thapeged e babyor ngak pi walagrad.
Mu guy rogon nib thil rogon ni ma yag e salpiy ni nge ayuweg e maruwel rodad nga rogon ni ma yag e salpiy ngak yugu boch e teliw.
“How Is the Work of Jehovah’s Witnesses Financed?” (Article ni bay ko website)