Mini’ e Riyul’ ni Be Gagiyegnag e Fayleng?

N’EN BE YOG E BIBLE

“Tin ni ka ba’ e girdi’ nu fayleng e ke suweyrad Faanem nib Kireb.”​—1 John 5:​19.

“Yib i m’ug Fak Got ni bochan e nge kirebnag e maruwel rok e re moonyan’ nem.”​—1 John 3:8.

PI N’EN NRAYOG NGOM NFAANRA MICH U WAN’UM E RE N’EY

Ga ra nang fan ni ke yoor e magawon u fayleng.​—Revelation 12:12.

Ra yib fan ni nge mich u wan’um nra thil gubin ban’en ko re fayleng ney nge fel’.​—1 John 2:​17.

RAYOG NI NGE MICH U WAN’DAD E N’EN NI BE YOG E BIBLE?

Arrogon, ya bay dalip i fan:

• Gagiyeg rok Satan e bayi mus. Ke dugliy Jehovah nra taw nga ba ngiyal’ me thang e gagiyeg rok Satan. Ke micheg nra “kirebnag gelngin . . . Moonyan’” me sulweg gubin ban’en ni ke kirebnag nga rogon.​—Hebrews 2:14.

• Ke mel’eg Got Jesus Kristus ni nge gagiyegnag e fayleng. Rib thil Jesus ko en ni be gagiyegnag e fayleng e chiney. Ke micheg Got ni gaar: “Ma runguy e piin ni meewar ma ba gafgow . . . Ma chuwegrad u fithik’ urngin mit e gafgow nib gel ni yibe tay ngorad.”​—Psalm 72:13, 14.

• Dabiyog ni nge ban Got. Be yog e Bible ni gaar: “Dabiyog ni nge lifith Got l’ugun.” (Hebrews 6:18) Ra micheg Jehovah ban’en, ma gowa ke rin’! (Isaiah 55:10, 11) “Bay nluf pa’ e en ni ir e be gagiyegnag e girdi’ nu fayleng.”​—John 12:31.