Mini’ Got?

Ka nap’an nni sunmiy e girdi’ keb i mada’ ko chiney ni boor e got ni yad ma liyor ngay. Machane kemus ni taareb e Got ni be weliy e Bible murung’agen ni “ba ga’ ngak gubin e pi got.” (2 Kronicles 2:5, BT) Mini’ e re Got nem? Ma mang fan ni kab ga’ ngak urngin e pi got ni ma liyor e girdi’ ngay? Ga ra fil ko re guruy ney e n’en ni baadag Got ni ngam nang u murung’agen.

1. Mini’ fithingan Got, ma mang e be dag ni baadag ni ngam nang e re ngachal nem?

Ke yog Got ngodad ko ir mini’ u lan e Bible. Be gaar: “Gag Jehovah. Ireray fithingag.” (Isaiah 42:5, 8, NW) Fare ngachal ni “Jehovah” e ke yib u ba ngachal ni Hebrew nrayog ni be yip’ fan ni “Ma K’aring ni Nge Buch.” Baadag Jehovah ni ngad nanged fithingan. (Exodus 3:15) Uw rogon ni kad nanged e re n’ey? Ba pag 7,000 yay ni ke m’ug fithingan Got u lan e Bible!a Jehovah e aram fithingan fare “Got nu tharmiy ngu fayleng.”​​—Deuteronomy 4:39.

2. Mang e be yog e Bible u murung’agen Jehovah?

Be yog e Bible ni yigoo Jehovah e ir e bin riyul’ e Got u fithik’ urngin e got ni ma liyor e girdi’ ngay. Mang fan? Baaray boch i fan. Kemus ni yigoo Jehovah e “Th’abi Tolang u polo’ e fayleng.” (Mu beeg e Psalm 83:18, BT.) Be yog e Bible ni “Gubin ma Rayog Rok” ni bochan e bay gelngin ni nge rin’ e n’en ke dugliy ni nge rin’. Ir e ke “sunumiy urngin ban’en” ni aram e palpalth’ib nge urngin e yafos ni bay u fayleng. (Revelation 4:8, 11) Kemus ni yigoo Jehovah e dan sunmiy, ma ra par ni manemus.​—Psalm 90:2.

3. Boor e liw rok Got machane kemus ni taareb e ngachal rok

Mu yaliyew e re VIDEO ney ni be weliy rogon nib thil e liw rok be’ nga fithingan, mi gimew weliy e fulweg ko re deer ni baaray.

VIDEO: Boor e Liw Rok, Machane Taareb Fithingan (0:41)

• Mang e ba thil u thilin e ngachal nge liw ni bod e “Somol”?

Be yog e Bible ni boor e got nge somol ni ma liyor e girdi’ ngay. Mu beegew e Psalm 136:1-3, BT, mi gimew weliy e fulweg ko re deer ni baaray:

• Mini’ fare “Got nth’abi ga’ u fithik’ gubin e pi got” nge fare “Somol ni Ir e th’abi gel gelngin u fithik’ e pi somol”?

4. Baadag Jehovah ni ngam nang fithingan mu u mog

VIDEO: Bay Fithingan Got Fa Dariy?​—Bang Riy (3:11)

• Ga be lemnag ma baadag Jehovah ni ngan nang fithingan, fa? Mang fan?

Baadag Jehovah ni ngaun fanay e ngachal rok. Mu beegew e Roma 10:13, mi gimew weliy e fulweg ko pi deer ni baaray:

• Uw feni ga’ fan ni ngaun pining fithingan Got ni aram Jehovah?

• Uw rogon u wan’um ni faanra de pag be’ talin fithingam ma gubin ngiyal’ ni ma yog?

• Ga be lemnag ma uw rogon u wan’ Jehovah ni faanra u mog fithingan?

5. Baadag Jehovah ni ngam mang fager rok

VIDEO: My Search for the True God (8:18)

• Nap’an ni nang Soten fithingan Got, ma mang angin ni yib ngak?

Ba ga’ ni fithingan be’ e ga ma nang u m’on ni ngam mang fager rok. Mu beegew e James 4:8a, mi gimew weliy e fulweg ko gal deer ni baaray:

• Mang e be yog Jehovah ngom ni ngam rin’?

• Uw rogon nrayog ni ngam chugur ngak Got ni faan ga ra nang fithingan mu u mog?

N’EN KAN FIL

Jehovah e aram fithingan e bin riyul’ e Got. Baadag ni ngad nanged fithingan mu u dogned ya nge yag nda manged fager rok.

Ngan Sul u Daken

• Uw rogon nib thil Jehovah nga urngin e got ni ma liyor e girdi’ ngay?

• Mang fan nsusun e nga u dogned fithingan Got?

• Mang e be dag ni baadag Jehovah ni ngam mang fager rok?

MU GAY MURUNG’AGEN

Mu guy lal i fan nrayog ni nge pagan’dad nriyul’ ni bay Got.

“Does God Exist?” (Article ni bay ko website)

Mu lemnag fan nib puluw ni nge mich u wan’um ndan sunmiy Got.

“Who Made God?” (The Watchtower, August 1, 2014)

Mu fil fan nsusun e nga u dogned fithingan Got ni yugu aram rogon ndad nanged rogon ni unog kakrom.

“Who Is Jehovah?” (Article ni bay ko website)

Gur, bay rogon e re ngachal nra ud pininged ngak Got, fa? Mu guy fan nrayog ni nga dogned ni kemus ni taareb fithingan ni bay.

“How Many Names Does God Have?” (Article ni bay ko website)