GURUY NI 36

Ngam Yul’yul’ u Gubin Ban’en

Bin ni Kan Printnag

Gad gubin ni gad baadag ni nge yag boch e fager ngodad ni yad ba yul’yul’. Baadag Jehovah ni nge yul’yul’ e pi fager rok. Machane de mom ni ngad yul’yul’gad ni bochan e boor e girdi’ ko re fayleng ney nde yul’yul’. Ere mang angin nra yib ngodad ni faan gad ra yul’yul’ u gubin ban’en?

1. Mang e bin th’abi ga’ i fan ni ngad yul’yul’gad?

Gad ra yul’yul’ ko girdi’, ma aram e gad be dag ngak Jehovah nib t’uf rodad ma gad be tayfan. Am lemnag e re n’ey: Jehovah e manang gubin e tin gad ma lemnag nge tin gad ma rin’. (Hebrews 4:13) Nap’an ni gad ra dugliy ni ngad yul’yul’gad, ma ma guy e re n’ey mab felfelan’ ngay. Be gaar e Thin rok: “Somol e ba fanenikan e girdi’ ni ma rin’ e kireb, machane ma fek e girdi’ nib mat’aw ngar manged tafager rok.”—Proverbs 3:32, BT.

2. Mang boch e kanawo’ ni ngad yul’yul’gad ko pi n’en gad ma rin’ u reb e rran ngu reb?

Baadag Jehovah ni nge bagadad me ‘weliy e tin riyul’ ngak’ bagadad. (Zekariah 8:16, 17) Mang e be yip’ fan e re n’ey? Demtrug ko gad be non ngak chon e tabinaw rodad, ara piin gad nga maruwel, ara pi walagdad u lan e ulung, ara girdien e am, ma dab da bangad ara dogned boch ban’en nde puluw. Girdi’ ni yad ba yul’yul’ e darur moro’ro’gad ara ra sasalapgad ko girdi’. (Mu beeg e Proverbs 24:28 nge Efesus 4:28.) Ku yad ma pi’ urngin e tax nthingar ra pied. (Roma 13:5-7) Ireray boch e kanawo’ ni gad ma dag riy ni ‘gad ba yul’yul’ u fithik’ urngin e tin ni gad be rin’.’—Titus 2:10.

3. Mang angin e yul’yul’ ni gad ma tay?

Faanra yi manangdad ni gad ba yul’yul’, ma aram e ra pagan’ e girdi’ ngodad. Ra pagan’ urngin e girdi’ u lan e ulung ngodad ni bod ba tabinaw ni bay e t’ufeg u thilrad. Ku ra beech e nangan’ rodad. Faanra gad ba yul’yul’ ma rayog ni ngad “girngiyed e fel’ ko machib ni murung’agen Got ni ir e ma thapegdad ngak,” mu kud k’aringed yugu boch e girdi’ ni ngar adaged ni ngar nanged Jehovah.—Titus 2:10.

KUM FIL BOCH BAN’EN U MURUNG’AGEN

Mu guy rogon ni ma lemnag Jehovah e yul’yul’ ni gad ma tay nge rogon angin ni ma yib ngodad nge rogon nrayog ni ngam yul’yul’ u boch ban’en ni ga ma rin’.

4. Gad ra yul’yul’ ma ra felfelan’ Jehovah

Mu beegew e Psalm 44:21 nge Malaki 3:16, mi gimew weliy e fulweg ko gal deer ni baaray:

Ga be lemnag ma mang fan nde puluw ni ngad lemnaged nrayog ni ngad mithaged e tin riyul’?
Ga be lemnag ma uw rogon u wan’ Jehovah ni faan gad ra dugliy ni nga dogned e tin riyul’ ni yugu aram rogon nib mo’maw’?

Ke ragbug ba matam nga but’ u nap’an ni be non fak ngak. Bay ba kap i juice u daken e tebel ni ke map’ ke lul’ u dow e tebel nga but’. — Ma felfelan’ e gallabthir u nap’an nra yog e bitir e tin riyul’. Ku arrogon Jehovah nra felfelan’ u nap’an ni gad ra yog e tin riyul’

5. Mu yul’yul’ ni gubin ngiyal’

Boor e girdi’ ni yad ma lemnag ndabiyog ni ngan yul’yul’ ni gubin ngiyal’. Machane am lemnag fan nsusun e ngad yul’yul’gad ni gubin ngiyal’. Mu yaliyew e re VIDEO ney.

VIDEO: What Contributes to Joy?—A Clean Conscience (2:32)

Yaan bang ko fare video ni ‘What Contributes to Joy?—A Clean Conscience.’ Tomuren ni yog Ben ngak e en nib ga’ ko maruwel rok ni ke kirebnag ban’en nib tolang puluwon, ma aram mar rurugew pa’row.

Mu beegew e Titus 2:10, mi gimew weliy rogon nrayog ni ngad yul’yul’gad . . .

u lan e tabinaw.
u tabon e maruwel ara skul.
u yugu boch ban’en.

6. Gad ra yul’yul’ ma ra yib angin ngodad

Rayog ni ngad mada’naged boch e magawon ni bochan e gad ba yul’yul’. Machane ra yan i tomur riy, ma gad ra nang ni gubin ngiyal’ nib fel’ ni ngaud yul’yul’gad. Mu beegew e Psalm 34:12-16, mi gimew weliy e fulweg ko re deer ni baaray:

Faanra gab yul’yul’, ma uw rogon nrayog ni nge fel’ boch e par rom?

A. Ba wu’ i mabgol ni yow be non u nap’an ni yow be unum e coffee.

B. Be’ ni ma mangongol karrow ni be yog e en nib ga’ ko maruwel rok nib fel’ e maruwel rok.

Piin mabgol ni yad ba yul’yul’ e ra chugur e tha’ u thilrad
Girdi’ nib yul’yul’ u tabon e maruwel e ra pagan’ e en nib ga’ ko maruwel ngorad
Girdien e nam ni yad ba yul’yul’ e ra fel’ thirad u wan’ girdien e am

MA GAAR BOCH E GIRDI’: “Yu ngiyal’ e de kireb ni ngan ban ni faanra dabi magawonnag yugu boch e girdi’.”

Mang fan ni ga be lemnag nib fanenikan Jehovah urngin mit e ban?

N’EN KAN FIL

Baadag Jehovah ni nge yul’yul’ e pi fager rok ko tin yad ma yog nge tin yad ma rin’.

Ngan Sul u Daken

Mang boch e kanawo’ ni ngad yul’yul’gad riy?
Mang fan nde puluw ni ngad lemnaged nrayog ni ngad mithaged e tin riyul’?
Mang fan ni ga baadag ni ngaum yul’yul’ ni gubin ngiyal’?

Kan mu’nag e re guruy ney ko:

N’en Ngam Nameg

Mu fithem ni nge lungum, ‘Ma teg Jehovah ni gag be’ ni gub yul’yul’, fa?’ Mu lemnag boch ban’en nib t’uf ni ngam thilyeg u rarogom.

Yugu boch ban’en:

Your other goal

MU GAY MURUNG’AGEN

Uw rogon ni nge fil e piin gallabthir ngak pi fakrad rogon ni ngaur yul’yul’gad?

Be Truthful (1:44)

Mang angin nra yib riy ni faan gad ra tay u gil’ e tin kad micheged?

Keep Promises, Receive Blessings (9:09)

Mu beeg ko thingar da pied e tax ni yugu aram rogon ndanir maruwel ngay nib fel’ rogon fa danga’.

“Taxes—Must You Pay Them?” (The Watchtower, September 1, 2011)

Mang e k’aring be’ nib pumoon nder ma yul’yul’ ni nge thilyeg e ngongol rok me rin’ boch ban’en u fithik’ e yul’yul’?

“I Learned That Jehovah Is Merciful and Forgiving” (The Watchtower, May 1, 2015)