GURUY NI 37
N’en Be Yog e Bible u Murung’agen e Maruwel nge Salpiy
Bay ba ngiyal’ ni ke magafan’um ko maruwel rom ara salpiy, fa? Rayog ni nge mo’maw’ ngodad ni ngad yognaged e tin nib t’uf rodad ma ka gad be liyor ngak Jehovah u rogon nsusun e ngad rin’ed. Bay boch e fonow nib manigil u Bible nrayog ni nge ayuwegdad.
1. Mang e be yog e Bible u murung’agen e maruwel?
Baadag Got ni ngad felfelan’gad ko maruwel ni gad ma rin’. Be yog e Bible “ni n’en nib fel’ ni nge rin’ be’ e nge felan’ ko tin ni ke muruwliy ke yog ngak.” (Eklesiastes 3:22) Ba gel e maruwel ni ma tay Jehovah. Ere nap’an ni gad ra folwok rok ngaud maruwelgad nib gel, ma aram e gad ra felfelan’nag mu kud felfelan’gad.
Ba ga’ fan e maruwel. Machane susun e dab da paged ni nge ga’ fan ko liyor rodad ngak Jehovah. (John 6:27) Ke micheg ni faan gad ra m’oneg u lan e yafos rodad, ma ra pi’ e tin nib t’uf ko par rodad.
2. Susun nge uw rogon e salpiy u wan’dad?
Yugu aram rogon ni be yog e Bible ni salpiy e ma ‘yororiyey’ ara ma ayuwegey, machane ku be yog ni gathi yigoo ir e ra yibnag e felfelan’ ngodad. (Eklesiastes 7:12) Aram fan ni kan pi’ e athamgil nga lanin’dad ndabi m’on e salpiy u wan’dad ma ‘nge fel’ u wun’dad e tin ni ba’ rodad ban’en.’ (Mu beeg e Hebrews 13:5.) Ere faanra ba fel’ u wan’dad e tin bay rodad ban’en, ma aram e dabi kankanan’dad ni bochan e yug gad be lemnag nder gaman e tin bay rodad, maku dab ud ted e malfith u boch ban’en ndariy rogon. (Proverbs 22:7) Re n’ey e ku ra ayuwegdad ndab da uned nga boch e gosgos ni yima fek e salpiy riy, maku dab da uned nga boch ban’en ni yima rin’ ni yibe lemnag ni nge fel’ rogoy riy nib papey.
3. Uw rogon nrayog ni nge m’ug ni gad ba gol u rogon ni gad ma fanay e salpiy rodad?
Jehovah e ir reb e Got nib gol ma faanra ud ‘golgad me m’agan’dad ngay ni ngad pied boch e tin ni ba’ rorad ban’en ngak boch e girdi’,’ ma aram e gad be folwok rok. (1 Timothy 6:18) Rayog ni ngad fanayed e salpiy rodad ni ngad ayuweged e ulung nge piin ke t’uf e ayuw rorad nib ga’ ni piin taareb e michan’ rodad. Gathi urngin e salpiy ni gad ma pi’ e aram e n’en nib ga’ fan u wan’ Jehovah, ya fan ni gad ma pi’ e aram e n’en nib ga’ fan u wan’. Faanra ud pied ban’en nrogon ni ke yib u gum’ircha’dad, ma aram e gad ra felfelan’ mu kud felfelan’naged Jehovah.—Mu beeg e Acts 20:35.
KUM FIL BOCH BAN’EN U MURUNG’AGEN
Mu guy angin nra yib riy ni faanra puluw rogon e lem rodad u murung’agen e maruwel miki fel’ u wan’dad e tin bay rodad.
4. Mu n’uf Jehovah u rogon e maruwel ni ga ma tay
Tha’ u thildad Jehovah e susun e nge gagiyegnag rogon e lem rodad u murung’agen e maruwel. Mu yaliyew e re VIDEO ney, mi gimew weliy e fulweg ko gal deer ni baaray.
Mang e ga baadag u rogon e lem nge ngongol rok Jason u tabon e maruwel?
Mang e rin’ ya nge yag ni puluw rogon e lem rok u murung’agen e maruwel?
Mu beegew e Kolose 3:23, 24, mi gimew weliy e fulweg ko re deer ni baaray:
Mang nib ga’ fan ni ngaud maruwelgad nib gel?
Ba ga’ fan e maruwel. Machane susun e dab da paged ni nge ga’ fan ko liyor rodad ngak Jehovah
5. Ra fel’ u wan’dad e tin bay rodad ma ra yib angin ngodad
Boor e girdi’ ni yad ma guy rogon ni ngar thognaged urngin e salpiy nrayog rorad. Machane ba thil e n’en be yog e Bible. Mu beegew e 1 Timothy 6:6-8, mi gimew weliy e fulweg ko re deer ni baaray:
Mang e be pi’ e Bible e athamgil ngodad ni ngad rin’ed?
Rayog ni ngad felfelan’gad ni yugu aram rogon ni buchuuw ban’en rodad. Mu yaliyew e re VIDEO ney, mi gimew weliy e fulweg ko re deer ni baaray.
Mang e ma yibnag e felfelan’ ko gal tabinaw ney ni yugu aram rogon ni buchuuw e salpiy rorad?
Machane uw rogon ni faanra boor ban’en rodad ma ka gad baadag ni ngki yoor boch? I weliy Jesus ba fanathin ni be tamilangnag riy’en e re n’ey. Mu beegew e Luke 12:15-21, mi gimew weliy e fulweg ko re deer ni baaray:
Mang e kam fil ko fare fanathin ni weliy Jesus? —Mu guy e verse 15.
Mu beegew e Proverbs 10:22 nge 1 Timothy 6:10. Tomuren mi gimew weliy e fulweg ko pi deer ni baaray:
Mang e ga be lemnag ni kab ga’ fan, nge fel’ e tha’ u thilmew Jehovah ara nge yoor e salpiy rom? Mang fan?
Mang boch e magawon nra sum ni faanra gubin ngiyal’ ni gad baadag ni nge yoor e salpiy rodad?
6. Ra pi’ Jehovah e tin nib t’uf rodad
Faanra gad be mada’nag e magawon ko maruwel ara der gaman e salpiy ni be yag ngodad, ma rayog ni nge skengnag rogon e yul’yul’ rodad ngak Jehovah. Mu yaliyew e re VIDEO ney ni be weliy rogon ni ngad gelgad ko pi magawon ney, mi gimew weliy e fulweg ko gal deer ni baaray.
Mang boch e magawon ni mada’nag fare walag ni pumoon?
Mang e rin’ ya nge yag ni gel ko pi magawon ney?
Mu beegew e Matthew 6:25-34, mi gimew weliy e fulweg ko re deer ni baaray:
Mang e ke micheg Jehovah nra rin’ ni fan ngak e piin yad ra m’oneg u lan e yafos rorad?
MA GAAR BOCH E GIRDI’: “Ba t’uf ni nggu maruwel nib gel ni nggu yognag e tin nib t’uf ko tabinaw rog. Ere dabiyog ni ngaug un ko muulung ni gubin e wik.”
Mang thin nu Bible e be micheg ngom ni gubin ngiyal’ nib fel’ ni ngam m’oneg u wan’um e liyor ni ga be tay ngak Jehovah?
N’EN KAN FIL
Ba t’uf ni ngad uned ko maruwel ma gad yognag e salpiy, machane susun e dab da paged ni nge magawonnag e pigpig rodad ngak Jehovah.
Ngan Sul u Daken
Mang e ra ayuwegem ni nge puluw rogon ni ngaum lemnag e maruwel?
Ra fel’ u wan’um e tin bay rom, ma uw rogon nra yib angin ngom?
Uw rogon ni ngam dag nib pagan’um nra pi’ Jehovah e tin nib t’uf ko girdi’ rok?
MU GAY MURUNG’AGEN
Mu guy ko be yog e Bible nib kireb e salpiy fa danga’.
“Is Money the Root of All Evil?” (Article ni bay ko website)
Mu beeg rogon nrayog ni ngad fanayed e salpiy rodad ni fan ko n’en nib m’agan’ Got ngay.
“What Does the Bible Say About Giving?” (Article ni bay ko website)
Ba kireb ni ngaun un nga boch e gosgos ni yima fek e salpiy riy fa danga’?
Mu beeg murung’agen e n’en ni k’aring be’ nib pumoon ni ma un nga boch e gosgos ni ngan fek e salpiy riy ma kub moro’ro’ ni nge thilyeg e ngongol rok.
“I Was Passionate About Racehorses” (The Watchtower, November 1, 2011)