PI DEER NI BAY E FULWEG RIY U BIBLE
Uw e Yib Moonyan’ Riy?
Gathi Got e sunmiy Moonyan’. Machane, Got e ir e sunmiy reb e engel nib flont me munmun me piliyeg ir nge mang Satan ni Moonyan’. I weliy Jesus murung’agen e re engel ney ni immoy ba ngiyal’ nib flont mab yul’yul’. Som’on, ma ir reb e engel ni fak Got nib mat’aw.—Mu beeg e John 8:44.
Uw rogon nra pig reb e engel nge mang Moonyan’?
Fare engel ni ke mang Moonyan’ e dugliy u wan’ ni nge togopuluw ngak Got me k’aring fa gal nsom’on e girdi’ ni ngar unew ngak ngar togopuluwgad ngak Got. Ere, ke pilyeg ir ni nge mang Satan, ni fan e re bugithin n’ey e “Ta Togopuluw.”—Mu beeg e Genesis 3:1-5; Revelation 12:9.
Fare engel ni ke mang Moonyan’ e taareb rogon ngak yugu boch e engel ni ke sunmiyrad Got ni yad ba gonop, ya kub puf rogon ni nge dugliy u wan’ ko nge rin’ e tin nib mat’aw ara nge rin’ e tin nde mat’aw. Machane, ke adag ni nge liyor yugu boch e girdi’ ngak. Ere, n’en nrib ga’ fan u wan e ngan pining e sorok ngak ma gathi Got.—Mu beeg e Matthew 4:8, 9; James 1:13, 14.
Uw rogon ni be ulul Moonyan’ ni nge bannag e girdi’? Susun ni ngam rus ngak, fa? Rayog ni ga ra pirieg e fulweg ko gal deer ney u Bible.