Pi Deer Ni Bay E Fulweg Riy U Bible

Uw rogon nra yib angin e yam’ ni tay Jesus ngodad?

Nap’an ni sunumeg Got e girdi’ me lemnag ni ngar pared u fayleng ndariy n’umngin nap’an ndab ra gafgowgad maku dab ra m’ad. Machane, bin som’on e pumoon ni aram Adam e de fol rok e En Tasunmiy, ma aram me mul fare yafas ndariy n’umngin nap’an u pa’. Bochan ni kad bad rok Adam ma aram fan ni gad ma yim’. (Roma 5:8, 12; 6:23) Ke pi’ Jehovah Got Fak ni aram Jesus nga fayleng nge yim’ ya nge sulweg e n’en ni mul u pa’ Adam.​—Mu beeg e John 3:16.

Bochan e yam’ ni tay Jesus, ma rayog ni ngan n’ag fan e denen rodad, me yag e yafos ndariy n’umngin nap’an ngodad. Be weliy e Bible rogon e par u fayleng boch nga m’on ni aram e ngiyal’ ndakuriy e m’ar, ma dab kun pilibthir ma dab ku unim’.​—Mu beeg e Isaiah 25:8; 33:24; Revelation 21:4, 5.

Uw rogon ni ngaud lemnaged e yam’ ni tay Jesus?

Fare nep’ u m’on ni yim’ Jesus, me tay chilen ngak pi gachalpen ni ngaur madnomnaged e yam’ ni tay. Gadad ra rin’ e re n’ey ni gubin e duw ma ra ayuwegdad ngad fal’eged i lemnag gelngin nrib t’uf e girdi’ rok Jesus nge Jehovah.​—Mu beeg e Luke 22:19, 20; 1 John 4:9, 10.

Biney e duw e yira tay e re Madnom ney ko rofen ni Montag ko April 14 u tomuren ni ke aw e yal’. Yibe piningem ni ngam un ngak e Pi Mich Rok Jehovah ko re madnom ney.​—Mu beeg e Roma 1:11, 12.