PI DEER NI BAY E FULWEG RIY U BIBLE

Uw e ma yib e kireb riy?

Ba ga’ ni baadag e girdi’ ni ngar pared u fithik’ e gapas, mar pared ni yad ba yul’yul’, ma yad be dag e sumunguy ngak boch e girdi’. Ere, mang fan ni gad be guy ni boor e cham, nge ngongol nde mat’aw, nge ngongol nib kireb ni be rin’ e girdi’? Ba ga’ ni gad ma rung’ag murung’agen boch ban’en ni be buch ni ma k’aring e marus ngodad. Ere gur, bay be’ u bang ni ir e be k’aring e girdi’ ni ngar rin’ed e pi kireb ney?​—Mu beeg e 1 John 5:19.

Gur, i sunmiy Got e girdi’ ni ngaur rin’ed e kireb? Danga’, ya sunmiy Jehovah Got e girdi’ ni yad bod yaan. Re n’ey e be yip’ fan ni ke sunmiyrad nrayog ni ngaur daged e t’ufeg rok. (Genesis 1:27; Job 34:10) Machane, nap’an ni sunmiy Got e girdi’ miki pi’ e puf rogon ngorad. Ere, nap’an ni dugliy e gal ga’ rodad ni ngar denengow, ma aram e da kur folwokgow rok Got ma da kur parew ni yow ba flont. Ere, rarogodad nib mom ni ngad denengad e ke af rorow ngodad.​—Mu beeg e Deuteronomy 32:4, 5.

Gubin ngiyal’ nra i par e kireb, fa?

Baadag Got ni ngad athamgilgad ngad gelgad ko pi meewar rodad. (Proverbs 27:11) Ere, aram fan ni ke fil ngodad rogon ni ngad siyeged e ngongol nib kireb nge rogon ni ngad pirieged e bin riyul’ e felfelan’. Machane, chiney e dabiyog ni ngad daged e t’ufeg rok Got nrib fel’ rogon ni bochan e dawor da flontgad.​—Mu beeg e Psalm 32:8.

Yugu aram rogon ni ke garer e kireb e chiney, machane bay n’umngin nap’an nra pag Got e pi kireb ney ni nga i buch. (2 Peter 3:7-9) Machane, dab ki n’uw nap’an me sug e re fayleng ney ko girdi’ ni yad ba felfelan’ ni yad be fol rok Got.​—Mu beeg e Psalm 37:9-11.

Ra ga baadag ni ngkum nang boch mag guy e guruy ni 3 ko re ke babyor ney ni ke ngongliy e Pi Mich Rok Jehovah

Ku bay ko www.jw.org/yap