Ga Ma Fal’eg i Yaliy fare Information Board?

Piin piilal nge pi ministerial servant nge pi walag e ba t’uf ni ngar fal’eged i yaliy fare information board ya ngar nanged e ngiyal’ ni bay e welthin rorad u nap’an e muulung. Machane gubin e girdi’ ko fare ulung e rayog ni ngar pirieged e tin nib t’uf ni ngan nang ko fare information board. Gur, ga manang ko mang rran e kan yarmiy ni ngam un ko klin u Kingdom Hall? Ke pi’ e circuit overseer ara branch ofis e babyor nib t’uf ni nge beeg e ulung? Ga manang kenggin e welthin ni fan ko yoor ko re wik ney, ya nge yag nim pining e Bible study rom nge un ko motoyil? Kan thilyeg e schedule ni fan ko muulung nge machib ni ga ma un ngay? Yooren e pi n’ey e dab ku nog u nap’an e pi muulung, mab mo’maw’ ngak e piin piilal ni ngar weliyed murung’agen e pi n’ey ngak e pi walag ni be’ nge be’. Ere, ba t’uf ni ngad yaliyed fare information board ni gubin ngiyal’. Faan gad ra athamgil ni ngad rin’ed e re n’ey, ma rayog ni ngan rin’ urngin ban’en “nib fel’ rogon ma ba yaram.”​—1 Kor. 14:40.