Bin nib Beech e Yaram ko Muulung
1, 2. Mang boch ban’en nra thil ko pi muulung rodad ko January 2009?
1 Nap’an e wik ko April 21-27, 2008 min pi’ bangi babyor ngak gubin e walag u fayleng i yan. Thin riy e gaar: “Ra tabab ko January 1, 2009 ma yira tay e Fol Babyor ko Ulung ko rofen ni bay e Theocratic Ministry Skul nge Service Meeting. Fol Babyor ko Ulung e ra thil fithingan nga nog ni Fol Bible ko Ulung.”
2 Rogon e Re Muulung Ney ni Gubin e Wik: Reb e awa nge 45 e minit n’umngin nap’an e re muulung ney nib muun e tang nge meybil ngay. Ra tabab e muulung ko tang nge meybil (ni 5 e minit), ngemu’ min tay e Fol Bible ko Ulung (ni 25 e minit). Tomren e binem min tababnag e Theocratic Ministry Skul (ni 30 e minit). Nap’an e ra m’ay e skul min tang (ni 5 e minit) ma aram me tabab e Service Meeting (ni 35 e minit). Re muulung ney e yira museg u daken e tang nge meybil (ni 5 e minit). Gubin e pul ni yira yog rogon e Fol Bible ko Ulung nge Theocratic Ministry Skul nge Service Meeting u lan e Machib Rodad Ni Fan Ko Gil’ilungun Got.
3. Uw rogon ni yira tay e Fol Bible ko Ulung?
3 Fol Bible ko Ulung: Re muulung ney e ra bod rogon e fol Wulyang Ntagil’ E Damit ni gad ma tay. De t’uf ni ngan sul nga daken e n’en ni kan fil u bayay e fol Bible nge yog ni ngoch e n’en ni nga nog u tabolngin e re fol Bible ney. Fan e re n’ey e nge yog ni gaman e tayim ni nge pi’ gubin e girdi’ reb e fulweg. En ni ir e presiding overseer e ra dugliy e pi piilal ni ngar yarmiyed e re muulung ney, nra reb e wik ma reb e piilal.
4. Mang boch ban’en nra thil ko Service Meeting?
4 Service Meeting: Ka rogon e Service Meeting kemus ni welthin ni yira pi’ riy e kan ngochnag. Ba ga’ ni lal e minit n’umngin nap’an e announcement. Ra gaman e re tayim ney ni nga nog e tin nib ga’ fan ni nga nog min beeg boch e babyor ni keb ko ulung nib t’uf ni ngan beeg. Announcement u murung’agen e gin ni ngan machib riy nge klin nge salpiy ko ulung nge yug babyor ni ma yib ko ulung e rayog ni ngan tay nga bang nrayog ni nge beeg gubin e girdi’ u lan e ulung. Piin nra welthin u nap’an e Service Meeting e ngar fal’eged rogorad u m’on riy ya nge dab ra paged n’umngin nap’an ni kan dugliy ni ngar pied e welthin rorad.
5. Uw rogon e muulung u nap’an nra yib e circuit overseer?
5 Nap’an Nra Yib e Circuit Overseer: Ka rogon e wub rok e circuit overseer. Rofen ni L’agruw Fene Maruwel e bay e Theocratic Ministry Skul nge Service Meeting ngemu’ min tang. Ma aram me pi’ e circuit overseer reb e welthin ni 30 e minit. Yira tay e Fol Bible ko Ulung u yugu reb e rran ni bod rogon ni gad ma rin’ e chiney. Tomren e Fol Bible ma aram min tang ngemu’ me pi’ e circuit overseer reb e welthin. Yira mu’nag e muulung u daken e tang nge meybil.
6. Mang e maruwel rok e “group overseer”?
6 Muulung u M’on ni Ngan Yan ko Machib: Ra dugliy e piin piilal be’ ni ka nog e “group overseer” ngak ni nge yarmiy rogon e machib ni yibe tay. Faanra reb e ministerial servant e kan dugliy ni nge rin’ e re maruwel ney ma yira pining e “group servant” ngak.
7. Mang angin e pi muulung ney ngodad?
7 Pi muulung ney e ra ayuwegdad ni ngad monoggad ko tirok Got ban’en. Re n’ey e ra ayuwegdad ni ngad salapgad ko machib me ga’ angin e machib ni gad be tay.—Eph. 4:13, 14; 2 Tim. 3:17.
8. Faan gad ra fal’eg rogodad u m’on ko pi muulung ney, ma mang angin ngodad nge pi walagdad?
8 Gad ra fil e pi n’en ni yira fil ko pi muulung ney u m’on riy ma ra tamilangan’dad ko tin nib ga’ fan ni yira fil u nap’an e muulung. Re n’ey e ra ayuwegdad ni ngad pied e fulweg ko deer ni yibe fith me bagadad me pi’ e athamgil nga laniyan’ bagadad. (Roma 1:11, 12; Hebrews 10:24) Gad be nameg ni “nge guy e girdi’ ni gubin ni gad be mon’og i yan” ni bochan e gad be “machibnag e thin rok Got nrogon.”—1 Timothy 4:15; 2 Timothy 2:15.
9. Mang e ngad rin’ed, ma mang fan?
9 Gad ba felfelan’ ko biney e yaram nib beech ni fan ko muulung rodad. Manga yug ud folgad u rogon ni be pow’iydad “fare tapigpig nib yul’yul’ mab gonop.” Ma ngad pired ni gad ba chugur ko fare Tachugol Saf Nth’abi Ga ni be fal’eg rogodad ni fan ko fare “gafgow ni ba ga’” ni kari chugur.—Matthew 24:21, 45; Hebrews 13:20, 21; Revelation 7:14.