Ngan Fel’ Rogoy ko Pi Muulung ni Fan ko Machib u Mit e Tabinaw
1. Uw rogon e pi muulung ni fan ko machib u mit e tabinaw e rayog ni nge ayuwegdad?
1 Pi muulung ni fan ko machib u mit e tabinaw e ma pi’ e athamgil nga lanin’dad ma ma pow’iydad u m’on ni ngad darod ko machib. Ya aram rogon ma rayog ni ngad uned ko machib u taabang e yugu girdi’ ma ra bagadad ma ra ayuweg bagadad. (Prov. 27:17; Eccl. 4:9, 10) Mang e rayog ni ngad rin’ed nge fel’ rogodad ko pi muulung ney?
2. Mang boch ban’en nrayog ni nge weliy fa en nra fl’eg e muulung ko machib?
2 Fa Een ni Ra Fl’eg e Muulung: Baga’ ni der ma fl’eg e thin ni ngan weliy u nap’an e pi mulung ney. Ere, ba t’uf ni ngam fl’eg rogon nfaan ga ra fl’eg e re muulung ney. Dab mu tay ni ba yalen ni ngam weliy e days text u gubin ngiyal’, machane rayog ni ngam tamilangnag nfaanra ba m’ag ko machib u mit e tabinaw. Nga mu tafinaynag e tin nra ayuweg e girdi’ ko machib ko rorran nem. Ya rayog ni ngam weliy ara demonstratenag rogon e ngan machibnag boch e thin. Sana ga ra turguy ni ngam sul nga daken boch e thin u lan e babyor ni Reasoning, ara Ministry School, ara ban’en ni kan weliy u nap’an e muulung ni Service Meeting. U yugu ba ngiyal’ ma rayog ni ngam weliy rogon ni ngam pithig e magawon nra sum u lan e territory, ara rayog ni ngam weliy rogon ni ngan pug e tafinay rok e girdi’ min tababnag e Bible study, ma ri aram rogon nfaanra boor e girdi’ e yad ra sul ngak e girdi’. Demtrug e thin ni ngam weliy, machane nguum par nib puluw ma ga pi’ e athamgil nga laniyan’ e girdi’.
3. Uw n’umngin nap’an e muulung ko machib, ma mang e susun ni ngan tamilangnag u nap’an e muulung?
3 Nga mu tababnag e muulung ko ngiyal’ nib puluw, ni yugu aram rogon ni ga manang nra sagaal boch e girdi’. Nga mu tiyan’um nga rogon ni ngam yarmiy e girdi’ ko machib, ma ga pi’ e territory ngak e girdi’ nib t’uf rorad. N’umngin nap’an e muulung ko machib e susun ndabi pag 10 ara 15 e minit ma susun e kab ngoch nap’an ni faanra yira fl’eg u tomren e pi muulung. U m’on ni nge m’ay e muulung, ma susun ni nge nang gubin e girdi’ ko mini’ e yad ra un ngak nge u uw e yad ra yan ngay. Susun ni nge mu’ ko meybil.
4. Mang e ra ayuweg gubin e girdi’ ni nge fel’ rogorad ko muulung ko machib?
4 Rayog ni Ngam Ayuweg: Taareb rogon e pi muulung rodad, ma susun ni ngad daged ni gad be tay fan Jehovah nge yugu girdi’ ni ngad tawgad ko muulung u m’on ni nge tabab. Nga mu un ko pi’ fulweg. Rayog ni ngam pag ni nge tay fa en ni be fl’eg e muulung ni nge un be’ ngom, ara rayog ni ngam yarmiy girdien e karro rom u m’on ko muulung. Faan ga ra yarmiy girdien e karro rom, nga mu ‘wer iyan’ ni ngam thiliyeg e pi publisher ngam un ngak, ma dab mu un ku taa be’ u gubin ngiyal’. (2 Kor. 6:11-13) Tomren ni ke m’ay e muulung, ma dabmu thiliyeg e yaram ni ke tay fa en ni ke fl’eg e muulung, ma ga yan nib papay.
5. Mang fan e muulung ko machib u mit e tabinaw?
5 Taareb fan e muulung ko machib nge pi muulung rodad. Kan fl’eg ni fan e “nge bagadad ma ngi i ayuweg bagadad ma be dag ngak nib t’uf rok ma be rin’ e tin nib fel’ ngak.” (Heb. 10:24, 25) Faanra gad ra guy rogon ni nge fel’ rogodad ko pi muulung ney, ma ra ayuwegdad ngad fl’eged e machib rodad—nriyul’ ni aram e maruwel nib fel’!