TIN MA RIN’ E PIIN KRISTIANO
Rogon ni Ngan Yarmiy e Machib u Reb e Kanawo’ Nra Yib Angin
Muulung ni fan ko machib e bod rogon e muulung ni gad ma tay ni bochan e aram reb e ban’en ni ke pi’ Jehovah nra ayuwegdad ni nge bagadad me dag ngak bagadad nib t’uf rok, ma be rin’ e tin nib fel’ ngak. (Heb 10:24, 25) Susun e lal i yan ko medlip e minit n’umngin nap’an e re muulung ney. Ba muun ngay rogon ni ngan yarmiy e piin nga ranod ko machib, nge gin ngar machibgad riy, mu kun meybil. (Faanra kan tay e re muulung ney u tomuren yugu reb e muulung, ma susun e ngari ngoch nap’an.) En nge yarmiy e machib e susun ni nge fal’eg rogon ban’en ni nge weliy nrayog ni nge fanay e piin nga ranod ko machib e rofen nem. Bod ni Sabado e rayog ni boor e piin yad ma un ko machib ni ke yan reb e wik ndawor ra machibgad. Ere sana ba fel’ ni ngan weliy e n’en nrayog ni nga nog u nap’an e machib. Ku mang boch ban’en nrayog ni ngan weliy u nap’an e re muulung ney?
Boch ban’en nrayog ni nga nog ni bay ko fare babyor ni Tin Ma Rin’ e Piin Kristiano nge Machib ni Yad Ma Tay
Rogon ni ngan fanay ban’en ni ka fini buch ara ban’en ni kan weliy ko news ni ngan tababnag e numon ngak be’
Rogon ni ngan machibnag be’ ni be guy rogon ni nge talegey ndab kun machibnag
Rogon ni ngan machibnag be’ nde mich u wan’ ni bay e Got, ara be’ ni ma lemnag ni ke sum e girdi’ ko gamanman, ara be’ nib thil e thin rok, ara be’ ni ma un nga barba’ e teliw ni gathi ri boor girdien ko gin yima machib riy
Rogon ni ngan fanay ban’en ni bay ko fare website ni jw.org, ara fare app ni JW Library®, ara Bible
Rogon ni ngan fanay reb e ban’en ni bay ko fare Tafen Talin e Maruwel ni Yima Fil Ban’en Riy ko Girdi’
Rogon ni ngan machib u telefon, ara ngan yoloy e babyor ngan pi’ ko girdi’, ara ngan machib ko yungi n’en ni ma muulung e girdi’ ni yoor ngay, ara rogon ni ngan sul ngan guy be’, ara ngan fil e Bible ngak
Ngan puguran feni ga’ fan ni ngan kol ayuw u nap’an e machib, me m’agan’uy ngay ni ngan rin’ boch ban’en nib thilthil, min dag e ngongol nib fel’, min sap nga fel’ngin ban’en, ara yugu boch ban’en
Ban’en nrayog ni ngan fil ara reb e video ko fare brochure ni Mmon’og u Rogon ni Ngam Skulnag Be’
Rogon ni ngam pi’ e athamgil ngak e en gimew be machib u taabang mag ayuweg
Reb e thin nu Bible ni bay rogon ko machib ara ban’en ni ke buch rok be’ u nap’an e machib nra pi’ e athamgil nga lanin’uy