14 Ó wá fi irun ewúrẹ́ ṣe àwọn aṣọ àgọ́ láti fi bo àgọ́ ìjọsìn náà. Ó ṣe aṣọ àgọ́ mọkànlá (11).+ 15 Gígùn aṣọ àgọ́ kọ̀ọ̀kan jẹ́ ọgbọ̀n (30) ìgbọ̀nwọ́, fífẹ̀ rẹ̀ sì jẹ́ ìgbọ̀nwọ́ mẹ́rin. Ìwọn aṣọ àgọ́ mọ́kànlá (11) náà dọ́gba. 16 Ó so márùn-ún nínú àwọn aṣọ àgọ́ náà mọ́ra, ó sì so aṣọ àgọ́ mẹ́fà yòókù pọ̀ mọ́ra. 17 Lẹ́yìn náà, ó lu àádọ́ta (50) ihò sí etí aṣọ àgọ́ tó wà ní ìkángun níbi tó ti so pọ̀, ó sì lu àádọ́ta (50) ihò sí etí aṣọ àgọ́ kejì tó so pọ̀ mọ́ ọn. 18 Ó fi bàbà ṣe àádọ́ta (50) ìkọ́ láti so àgọ́ náà pọ̀ kó lè di odindi.