17 Lẹ́yìn tí Amasááyà ọba Júdà fọ̀rọ̀ lọ àwọn agbani-nímọ̀ràn rẹ̀, ó ránṣẹ́ sí Jèhóáṣì ọmọ Jèhóáhásì ọmọ Jéhù ọba Ísírẹ́lì pé: “Wá, jẹ́ ká dojú ìjà kọ ara wa.”*+ 18 Jèhóáṣì ọba Ísírẹ́lì ránṣẹ́ sí Amasááyà ọba Júdà pé: “Èpò ẹlẹ́gùn-ún tó wà ní Lẹ́bánónì ránṣẹ́ sí igi kédárì tó wà ní Lẹ́bánónì, pé, ‘Fi ọmọbìnrin rẹ fún ọmọkùnrin mi kó fi ṣe aya.’ Àmọ́, ẹranko kan láti Lẹ́bánónì kọjá, ó sì tẹ èpò ẹlẹ́gùn-ún náà pa. 19 Ò ń sọ pé, ‘Wò ó! Mo* ti ṣẹ́gun Édómù.’+ Torí bẹ́ẹ̀, ìgbéraga wọ̀ ẹ́ lẹ́wù, o sì fẹ́ kí àwọn èèyàn máa gbé ògo fún ọ. Àmọ́ ní báyìí, dúró sí ilé* rẹ. Kí ló dé tí wàá fi fa àjálù bá ara rẹ, tí wàá sì gbé ara rẹ àti Júdà ṣubú?”