19 Torí mo ti wá mọ̀ ọ́n, kó lè pàṣẹ fún àwọn ọmọ rẹ̀ àti agbo ilé rẹ̀ pé kí wọ́n máa rìn ní ọ̀nà Jèhófà nípa ṣíṣe ohun tó dáa, tó sì tọ́,+ kí Jèhófà bàa lè mú ìlérí tó ṣe fún Ábúráhámù ṣẹ.”

9 “Ṣáà máa kíyè sára, kí o sì máa ṣọ́ra gan-an,* kí o má bàa gbàgbé àwọn ohun tí o fi ojú rẹ rí, kí wọ́n má bàa kúrò lọ́kàn rẹ ní gbogbo ọjọ́ ayé rẹ. Kí o sì tún jẹ́ kí àwọn ọmọ rẹ àti àwọn ọmọ ọmọ rẹ mọ̀ nípa wọn.+

21 Ó wá sọ fún àwọn ọmọ Ísírẹ́lì pé: “Lọ́jọ́ iwájú, tí àwọn ọmọ yín bá béèrè lọ́wọ́ àwọn bàbá wọn pé, ‘Kí ni àwọn òkúta yìí wà fún?’+ 22 kí ẹ ṣàlàyé fún àwọn ọmọ yín pé: ‘Orí ilẹ̀ gbígbẹ ni Ísírẹ́lì gbà sọdá Jọ́dánì+ 23 nígbà tí Jèhófà Ọlọ́run yín mú kí omi Jọ́dánì gbẹ níwájú wọn títí wọ́n fi sọdá, bí Jèhófà Ọlọ́run yín ṣe ṣe sí Òkun Pupa nígbà tó mú kó gbẹ níwájú wa títí a fi sọdá.+ 24 Ó ṣe èyí, kí gbogbo aráyé lè mọ bí ọwọ́ Jèhófà ṣe lágbára tó,+ kí ẹ sì lè máa bẹ̀rù Jèhófà Ọlọ́run yín nígbà gbogbo.’”