• Diutarónómì 28:28, 29
    Bíbélì Mímọ́ ti Ìtumọ̀ Ayé Tuntun

    • 28 Jèhófà máa mú kí o ya wèrè, kí o fọ́jú,+ kí nǹkan sì dà rú fún ọ.* 29 Wàá máa táràrà kiri ní ọ̀sán gangan, bí afọ́jú ṣe máa ń táràrà torí ó wà lókùnkùn,+ o ò sì ní ṣàṣeyọrí nínú gbogbo ohun tí o bá ń ṣe; wọ́n á máa lù ọ́ ní jìbìtì, wọ́n á sì máa jà ọ́ lólè léraléra, kò ní sẹ́ni tó máa gbà ọ́ sílẹ̀.+

  • Àìsáyà 59:9, 10
    Bíbélì Mímọ́ ti Ìtumọ̀ Ayé Tuntun

    •  9 Ìdí nìyẹn tí ìdájọ́ òdodo fi jìnnà sí wa,

      Tí òdodo kò sì lé wa bá.

      À ń retí ìmọ́lẹ̀ ṣáá, àmọ́ wò ó! òkùnkùn ló ṣú;

      À ń retí ìmọ́lẹ̀ tó tàn yòò, àmọ́ a ò yéé rìn nínú ìṣúdùdù.+

      10 À ń táràrà níbi ògiri bí afọ́jú;

      À ń táràrà bí àwọn tí kò ní ojú.+

      A kọsẹ̀ ní ọ̀sán gangan bíi pé a wà nínú òkùnkùn alẹ́;

      Ṣe la dà bí òkú láàárín àwọn alágbára.