Ìmọ̀ràn Ọlọgbọ́n Tó Ń Mú Káyé Ẹni Dùn
“Inú mi máa ń bà jẹ́ gan-an nígbà tí mo bá ráwọn ìwà burúkú tó ń ṣẹlẹ̀ láyé, bí ogun, àìsàn, àìríjẹ àìrímu àti bí wọ́n ṣe ń hùwà ìkà sáwọn ọmọdé. Àmọ́ ní báyìí, mo ti wá mọ̀ pé ọ̀la ń bọ̀ wá dáa.”—RANI.a
Obìnrin tó ń jẹ́ Rani yìí rí ayọ̀ tòótọ́ nígbà tó kẹ́kọ̀ọ́ nípa Ẹlẹ́dàá wa, Ọlọ́run Olódùmarè, tó jẹ́ orísun ọgbọ́n. Bó o ṣe ń ka ìwé yìí, wàá rí bí Ọ̀rọ̀ Ọlọ́run ṣe máa jẹ́ . . .
kí ìdílé ẹ láyọ̀
kó o wà lálàáfíà pẹ̀lú àwọn èèyàn
kó o ní ìtẹ́lọ́rùn, kí ọkàn ẹ sì balẹ̀
kó o mọ ìdí táwa èèyàn fi ń jìyà, tá a sì ń kú
kó dá ẹ lójú pé ọ̀la ń bọ̀ wá dáa
kó o mọ Ẹlẹ́dàá wa, kó o sì sún mọ́ ọn
Wàá tún rí i pé gbogbo èèyàn ló lè ní ọgbọ́n Ọlọ́run, tí wọ́n bá ṣáà ti lè wá a.
a A ti yí àwọn orúkọ tá a lò nínú ìwé yìí pa dà.