Ẹgbẹẹgbẹ̀rún Àwa Ará

1. Ẹgbẹẹgbẹ̀rún àwa ará;

A wà kárí ayé.

Ẹlẹ́rìí òótọ́ ni wá,

À ń pàwà títọ́ mọ́.

Ẹgbẹẹgbẹ̀rún niye wa;

Ṣe la túbọ̀ ń pọ̀ sí i.

Látibi gbogbo kárí ayé,

À ń fògo f’Ọ́lọ́run.

2. Ẹgbẹẹgbẹ̀rún àwa ará;

À ń ṣiṣẹ́ ìwàásù.

Ìhìnrere aláyọ̀

Là ń kéde fáráyé.

Nígbà míì, ó lè rẹ̀ wá.

Ká má ṣe sorí kọ́.

Jésù ọ̀gá wa ń mára tù wá;

Ó ń fọkàn wa balẹ̀.

3. Ẹgbẹẹgbẹ̀rún àwa ará;

Jáà ló ń dáàbò bò wá.

À ń jọ́sìn Ọlọ́run wa

Nínú tẹ́ńpìlì rẹ̀.

Ojoojúmọ́ là ń pọ̀ sí i.

À ń ṣiṣẹ́ ìwàásù.

A sì ń bá Ọlọ́run wa ṣiṣẹ́;

À ń sìn ín tọ̀sántòru.