Ran Àwọn Aláìlera Lọ́wọ́

1. Gbogbo wa pátá la ní

Ibi tá a kù sí.

Síbẹ̀, Jèhófà ń fìfẹ́

Ṣèrànwọ́ fún wa.

Bàbá aláàánú ni;

Ó nífẹ̀ẹ́ wa púpọ̀.

Ká tẹ̀ lé àpẹẹrẹ Jáà;

Ká máa ṣèrànwọ́.

2. Lójú tiwa, àwọn kan

Lè má níṣòro.

Síbẹ̀, ìgbàgbọ́ wọn lè

Má tó bá a ṣe rò.

Ó yẹ ká gbé wọn ró,

Ká sì ràn wọ́n lọ́wọ́.

Ẹ̀mí mímọ́ Jèhófà

Yóò tún ṣèrànwọ́.

3. Àwọn tó j’áláìlera

Nílò ìrànwọ́.

Ká má ṣe dá wọn lẹ́bi,

Ká mára tù wọ́n.

Ká máa kíyè sí wọn,

Ká lè máa gbé wọn ró.

Tí a bá ń ràn wọ́n lọ́wọ́,

A ó rí ‘bùkún gbà.