Kí Lèrò Rẹ?

Ṣé Bíbélì lè ràn ẹ́ lọ́wọ́ láti di ọ̀rẹ́ Ọlọ́run?

ÀWỌN KAN GBÀ PÉ . . .

àwọn ò lè di ọ̀rẹ́ Ọlọ́run torí wọ́n rò pé aláìmọ́ àti ẹlẹ́ṣẹ̀ ni àwọn. Àwọn míì sọ pé Ọlọ́run ò rí ti àwa èèyàn rò. Kí lèrò rẹ?

OHUN TÍ BÍBÉLÌ SỌ

“Ìbárẹ́ tímọ́tímọ́ [Ọlọ́run] wà pẹ̀lú àwọn adúróṣánṣán.” (Òwe 3:32) A máa di ọ̀rẹ́ Ọlọ́run tí a bá ń ṣègbọràn sí i.

KÍ LÀWỌN NǸKAN MÍÌ TÍ BÍBÉLÌ SỌ?

• Ọlọ́run fẹ́ di Ọ̀rẹ́ wa.​—Jákọ́bù 4:8.

• Torí pé Ọlọ́run jẹ́ Ọ̀rẹ́ wa, ó múra tán láti ràn wá lọ́wọ́ kó sì dárí jì wá.​—Sáàmù 86:5.

• Àwọn ọ̀rẹ́ Ọlọ́run máa ń nífẹ̀ẹ́ ohun tí Ọlọ́run fẹ́, wọ́n sì máa ń kórìíra ohun tí Ọlọ́run kò fẹ́.​—Róòmù 12:9.