Àlàyé Ìsàlẹ̀ Ìwé

a Níwọ̀n bí ipa ọ̀nà òṣùpá, àti ipa ọ̀nà ayé kì í ti ṣe èyí tí ń yí po ní òbíríkítí àmọ́ tó jẹ́ pé ńṣe ní ipa ọ̀nà wọn dà bí ìrísí ẹyin, títóbi oòrùn àti òṣùpá lè yí padà níwọ̀nba, ó sinmi lórí apá ibi tí wọ́n bá wà nínú ipa ọ̀nà wọn. Nígbà tí òṣùpá bá wà ní apá ibi tí ipa ọ̀nà rẹ̀ ti jìn jù lọ sí ayé, apá ibi tó ṣókùnkùn jù lọ lára òjìji òṣùpá kò ní fi bẹ́ẹ̀ dé orí ilẹ̀ ayé. Nígbà tí èyí bá ṣẹlẹ̀, àwọn olùwòran lórí ilẹ̀ ayé tó ń kíyè sí òjìji òṣùpá yìí yóò rí i tí òṣùpá bo oòrùn lójú lápá kan, ìyẹn ni ìgbà tí oòrùn bá fara hàn gẹ́gẹ́ bí òrùka dídángbinrin kan tó yí òjìji dúdú kan po.