Àlàyé Ìsàlẹ̀ Ìwé

a Gẹ́gẹ́ bí ìwé Modern Blood Banking and Transfusion Practices látọwọ́ ọ̀jọ̀gbọ́n Denise M. Harmening ti sọ, “ìfàjẹ̀sínilára lè ba àwọn sẹ́ẹ̀lì pupa inú ẹ̀jẹ̀ aláìsàn kan jẹ́ bí ara rẹ̀ bá ti di aláìlágbára nítorí ẹ̀jẹ̀ tó ti kọ́kọ́ gbà sára, nítorí pé ó lóyún tàbí nítorí pé wọ́n ti ṣe iṣẹ́ abẹ ìpààrọ̀ ẹ̀yà ara fún un.” Nínú irú àwọn ọ̀ràn bẹ́ẹ̀, “àwọn ìlànà pípegedé tí wọ́n ń lò ṣáájú ìfàjẹ̀sínilára kò lè ṣàwárí” ohun agbóguntàrùn inú ara tó ń mú kí ara aláìsàn kan kọ ẹ̀jẹ̀ tí wọ́n bá fà sí i lára. Gẹ́gẹ́ bí ìwé Dailey’s Notes on Blood ti sọ, àwọn sẹ́ẹ̀lì pupa inú ẹ̀jẹ̀ “lè” bà jẹ́ “kódà bó bá jẹ́ ìwọ̀nba ẹ̀jẹ̀ díẹ̀ tí kò bá aláìsàn kan lára mu . . . ni wọ́n fà sí i lára. Nígbà tí kíndìnrín kò bá ṣiṣẹ́ mọ́, ìdọ̀tí á bẹ̀rẹ̀ sí gbára jọ sínú ẹ̀jẹ̀ aláìsàn náà, yóò sì bẹ̀rẹ̀ sí kú díẹ̀díẹ̀ nítorí pé kíndìnrín rẹ̀ kò lè mú àwọn ìdọ̀tí náà kúrò.”