Àlàyé Ìsàlẹ̀ Ìwé

c Àwọn ọ̀mọ̀wé akẹ́kọ̀ọ́jinlẹ̀ ṣì ń jara wọn níyàn nípa ibi tórúkọ yẹn ti wá. Lédè Hébérù, Mósè túmọ̀ sí “Fà Jáde; Tá A Gbà Là Látinú Omi.” Òpìtàn Flavius Josephus jiyàn pé ọ̀rọ̀ àwọn ará Íjíbítì méjì ló pa pọ̀ di orúkọ náà, Mósè, ìyẹn ni “omi” àti “tá a gbà là.” Bákan náà làwọn ọ̀mọ̀wé akẹ́kọ̀ọ́jinlẹ̀ kan lóde òní gbà pé orúkọ àwọn ará Íjíbítì ni Mósè, ṣùgbọ́n wọ́n ronú pé ó ṣeé ṣe jù kó túmọ̀ sí “Ọmọkùnrin.” Àmọ́ ṣá o, ohun tó mú wọn sọ bẹ́ẹ̀ ni pé bí wọ́n ṣe ń pe orúkọ náà “Mósè” fara jọ bí wọ́n ṣe ń pe àwọn orúkọ kan nílẹ̀ Íjíbítì. Níwọ̀n bí kò ti sẹ́ni tó mọ bí àwọn Hébérù àtàwọn ará Íjíbítì ṣe ń sọ̀rọ̀ látijọ́, àròbájọ ni irú àwọn àlàyé bẹ́ẹ̀.