Àlàyé Ìsàlẹ̀ Ìwé

a Ọ̀pọ̀ ìgbà ni ìjì máa ń dédé jà lójú Òkun Gálílì. Ìdí tó fi rí bẹ́ẹ̀ ni pé ibi tí òkun náà wà lọ sísàlẹ̀ gan-an (ó fi nǹkan bí ọgọ́rùn-ún méjì (200) mítà lọ sísàlẹ̀ ju ojú òkun), afẹ́fẹ́ ibẹ̀ sì sábà máa ń gbóná ju tàwọn òkun míì lọ. Torí náà, ìgbàkigbà ni ojú ọjọ́ lè yí pa dà níbẹ̀. Atẹ́gùn líle tó ń rọ́ wá láti orí Òkè Hámónì tó wà lápá àríwá máa ń fẹ́ lọ sí Àfonífojì Jọ́dánì. Torí náà, ojú ọjọ́ ti lè pa rọ́rọ́ tẹ́lẹ̀, àmọ́ kí ìjì líle bẹ̀rẹ̀ sí í jà lẹ́yìn ìṣẹ́jú bíi mélòó kan.