Àlàyé Ìsàlẹ̀ Ìwé

a Nǹkan pàtàkì ló jẹ́ pé Jónà wá láti ìlú kan tó wà ní Gálílì. Torí nígbà tí àwọn Farisí ń sọ̀rọ̀ nípa Jésù, wọ́n fi ìgbéraga sọ pé: “Ṣe ìwádìí káàkiri, kí o sì rí i pé kò sí wòlíì kankan tí a óò gbé dìde láti Gálílì.” (Jòh. 7:52) Ọ̀pọ̀ àwọn atúmọ̀ èdè àtàwọn tó ń ṣèwádìí sọ pé ohun táwọn Farisí wọ̀nyẹn ń sọ ni pé kò tíì sí ẹni tó jẹ́ wòlíì rí láti àgbègbè Gálílì tí kò já mọ́ nǹkan kan, kò sì lè sí láé. Tó bá jẹ́ ohun tí àwọn Farisí náà ní lọ́kàn nìyẹn, a jẹ́ pé ṣe ni wọ́n gbójú fo ohun tí ìtàn àti àsọtẹ́lẹ̀ sọ.—Aísá. 9:1, 2.