Àlàyé Ìsàlẹ̀ Ìwé

a Ìjìyà mímúná tí Jesu faradà ní ó ṣeéṣe kí a rí láti inú òtítọ́ náà pé ẹ̀yà-ara-ẹ̀dá pípé rẹ̀ kú lẹ́yìn kìkì ìwọ̀nba wákàtí díẹ̀ lórí òpó-igi, nígbà tí ó jẹ́ pé àwọn olùṣe-búburú tí a kànmọ́gi lẹ́bàá rẹ̀ ni a níláti fọ́ egungun ẹsẹ wọn láti mú ikú wọn yára kánkán. (Johannu 19:31-33) Wọn kò tíì nírìírí ìjìyà ti èrò-orí àti ti ara-ìyára tí Jesu jìyà rẹ̀ lákòókò àìsùn-àìwo la gbogbo òru tí ó ṣáájú ìkànmọ́gi já, bóyá dé orí ibi tí kò tilẹ̀ ti lè gbé òpó-igi ìdálóró tirẹ̀ fúnraarẹ̀ mọ́ pàápàá.—Marku 15:15, 21.