Àlàyé Ìsàlẹ̀ Ìwé

a Gẹ́gẹ́ bí ìwé náà, The History of the Jewish People in the Age of Jesus Christ (175 B.C.–A.D. 135), látọwọ́ Emil Schürer, ti wí, bó tilẹ̀ jẹ́ pé Mishnah kò sọ nǹkan kan nípa ìlànà tí Sànhẹ́dírìn Aláṣẹ Ńlá, tàbí Sànhẹ́dírìn Ẹlẹ́ni Mọ́kànléláàádọ́rin ń tẹ̀ lé, Mishnah sọ kúlẹ̀kúlẹ̀ ìlànà táwọn Sànhẹ́dírìn kéékèèké, àwọn tó ní mẹ́ńbà mẹ́tàlélógún, ń tẹ̀ lé. Àwọn tí ń kẹ́kọ̀ọ́ láti di amòfin lè lọ síbi táwọn Sànhẹ́dírìn kéékèèké ti ń gbọ́ àwọn ẹjọ́ ńláńlá, a sì gbà wọ́n láyè láti rojọ́ gbe ẹni táa fẹ̀sùn kàn, ṣùgbọ́n kì í ṣe láti ṣe rojọ́ mọ́ ọn lẹ́sẹ̀. Nínú àwọn ẹjọ́ tí kì í bá ṣe ẹjọ́ ńlá, wọ́n lè rojọ́ gbe ẹni táa fẹ̀sùn kàn, wọ́n sì lè rojọ́ mọ́ ọn lẹ́sẹ̀.