Àlàyé Ìsàlẹ̀ Ìwé

a Ṣáájú kí àwọn ẹgbẹ́ òṣèlú Bolshevik tó gbàjọba ní October 1917, kàlẹ́ńdà Júlíọ́sì tó ti wà tipẹ́ làwọn ará Rọ́ṣíà máa ń lò, àmọ́ ọ̀pọ̀ jù lọ orílẹ̀-èdè ló ti yí sí kàlẹ́ńdà Gregory. Lọ́dún 1917, ọjọ́ mẹ́tàlá ni kàlẹ́ńdà Gregory fi yá ju kàlẹ́ńdà Júlíọ́sì lọ. Láti ìgbà ìjọba ẹgbẹ́ Bolshevik ni ilẹ̀ Soviet ti bẹ̀rẹ̀ sí lo kàlẹ́ńdà Gregory. Bí Rọ́ṣíà ṣe wá ń lo kàlẹ́ńdà kan náà pẹ̀lú gbogbo ayé nìyẹn. Àmọ́ ṣá o, Ṣọ́ọ̀ṣì Ọ́tọ́dọ́ọ̀sì ṣì ń lo kàlẹ́ńdà Júlíọ́sì fún àwọn ayẹyẹ tí wọ́n máa ń ṣe lọ́dọọdún, wọ́n pè é ní kàlẹ́ńdà “Ayé Àtijọ́.” Ẹ lè máa gbọ́ pé àwọn ará Rọ́ṣíà ń ṣọdún Kérésì ní January 7. Ṣùgbọ́n, ẹ fi sọ́kàn pé January 7 nínú kàlẹ́ńdà Gregory jẹ́ ìkan náà pẹ̀lú December 25 nínú kàlẹ́ńdà Júlíọ́sì. Abájọ tí púpọ̀ lára àwọn ará Rọ́ṣíà fi to ayẹyẹ ọdún wọn báyìí: December 25, ọdún Kérésì tàwọn ará ìwọ̀ oòrùn ayé; January 1, Ọdún Tuntun tí kò ní ètò ẹ̀sìn nínú; January 7, ọdún Kérésì ti Ṣọ́ọ̀ṣì Ọ́tọ́dọ́ọ̀sì; January 14, Ọdún Tuntun ti kàlẹ́ńdà Ayé Àtijọ́.