Àlàyé Ìsàlẹ̀ Ìwé

c Àwọn ẹ̀jẹ́ tó ń bọlá fún Ọlọ́run tó tẹ̀ lé e yìí làwa Ẹlẹ́rìí Jèhófà máa ń lò, àyàfi tí òfin ìjọba ibi tá à ń gbé bá ṣe ètò míì. Ọkọ á sọ pé: “Èmi [orúkọ ọkọ] fi ìwọ [orúkọ ìyàwó] ṣe aya mi tí mo bá ṣe ìgbéyàwó, ẹni tí màá máa nífẹ̀ẹ́, tí màá sì máa ṣìkẹ́ ní ìbámu pẹ̀lú òfin tí Ọlọ́run là lẹ́sẹẹsẹ sínú Ìwé Mímọ́ fún Kristẹni ọkọ, níwọ̀n ìgbà tí àwa méjèèjì bá fi jọ wà láàyè lórí ilẹ̀ ayé ní ìbámu pẹ̀lú ètò ìgbéyàwó tí Ọlọ́run ṣe.” Ìyàwó á sọ pé: “Èmi [orúkọ ìyàwó] fi ìwọ [orúkọ ọkọ] ṣe ọkọ mi tí mo bá ṣe ìgbéyàwó, ẹni tí màá máa nífẹ̀ẹ́, tí màá máa ṣìkẹ́, tí màá sì máa ní ọ̀wọ̀ jíjinlẹ̀ fún ní ìbámu pẹ̀lú òfin tí Ọlọ́run là lẹ́sẹẹsẹ sínú Ìwé Mímọ́ fún Kristẹni aya, níwọ̀n ìgbà tí àwa méjèèjì bá fi jọ wà láàyè lórí ilẹ̀ ayé ní ìbámu pẹ̀lú ètò ìgbéyàwó tí Ọlọ́run ṣe.”