Àlàyé Ìsàlẹ̀ Ìwé

a Ọ̀rọ̀ tí Jésù sọ yìí jẹ́ ká mọ̀ pé báwọn Bíbélì kan ṣe túmọ̀ “wíwàníhìn-ín” kò tọ̀nà rárá. Àwọn Bíbélì kan tú u sí, “wíwá,” “dídé” tàbí “ìpadàbọ̀,” tá a bá sì wo àwọn ọ̀rọ̀ wọ̀nyí dáadáa, ohun tó máa ṣẹlẹ̀ fún kìkì àkókò kúkúrú ló túmọ̀ sí. Kíyè sí i pé Jésù kò fi wíwàníhìn-ín rẹ̀ wé ìkún-omi ọjọ́ Nóà, tó jẹ́ ìṣẹ̀lẹ̀ tó wáyé tó sì tètè parí, àmọ́ ó fi wé “àwọn ọjọ́ Nóà” tó jẹ́ àkókò gígùn kan tí ìṣẹ̀lẹ̀ pàtàkì kan ṣẹlẹ̀. Bíi ti ayé ìgbà yẹn, àkókò tí ìgbòkègbodò ojoojúmọ́ á gba àwọn èèyàn lọ́kàn ni wíwàníhìn-ín Kristi yóò jẹ́. Àwọn èèyàn ò sì ní fiyè sáwọn ìkìlọ̀ táwọn ọmọ ẹ̀yìn Jésù ń ṣe.