Àlàyé Ìsàlẹ̀ Ìwé

d Sásítà Kìíní jẹ́ ẹni tó máa ń ṣe èyí tó wù ú, ó sì tètè máa ń bínú. Òpìtàn ọmọ ilẹ̀ Gíríìsì tó ń jẹ́ Herodotus ṣàkọsílẹ̀ àwọn àpẹẹrẹ kan látinú ohun tó ṣẹlẹ̀ nígbà tí Sásítà bá ilẹ̀ Gíríìsì jà. Ọba pàṣẹ pé kí wọ́n fi ọkọ̀ ojú omi ṣe afárá lọ sí ibi tí wọ́n ń pè ní Hellespont. Nígbà tí ìjì ba afárá náà jẹ́, Sásítà pàṣẹ pé kí wọ́n lọ bẹ́ orí àwọn akọ́ṣẹ́mọṣẹ́ tó ṣe afárá náà, ó tiẹ̀ tún ní kí àwọn ọkùnrin rẹ̀ “fìyà jẹ” àwọn èèyàn tó ń gbé Hellespont, ìyà náà ni pé kí wọ́n gbọ́n omi tó wà ní àgbègbè náà kúrò, bí wọ́n sì ti ń gbọ́n omi náà lọ́wọ́ kí wọ́n ka ọ̀rọ̀ èébú lé wọ́n lórí. Lákòókò ogun yìí kan náà, nígbà tí ọkùnrin ọlọ́rọ̀ kan lọ bẹ̀bẹ̀ pé kí wọ́n má ṣe jẹ́ kí ọmọkùnrin òun dara pọ̀ mọ́ àwọn ọmọ ogun, ńṣe ni Sásítà ní kí wọ́n gé ọmọ náà sí méjì kí wọ́n gbé e síta kó lè jẹ́ ìkìlọ̀ fún àwọn míì.