Àlàyé Ìsàlẹ̀ Ìwé

b Bí Náómì ṣe sọ, kì í ṣe ọ̀dọ̀ àwọn alààyè nìkan ni inúure Jèhófà mọ sí, ó nasẹ̀ dé ọ̀dọ̀ àwọn tó ti kú pàápàá. Ìdí ni pé, ọkọ Náómì àti àwọn ọmọ rẹ̀ méjèèjì ti kú. Ọkọ Rúùtù náà ti kú. Obìnrin méjèèjì yìí sì fẹ́ràn àwọn ọkùnrin mẹ́ta yẹn gidigidi. Tí ẹnikẹ́ni bá wá ṣe inúure sí Náómì àti Rúùtù, bí ìgbà tí wọ́n ṣe é fún àwọn ọkùnrin yẹn náà ni, torí ká ní wọ́n wà láàyè ni, wọn kò ní fẹ́ kí ìyà kankan jẹ àwọn obìnrin àtàtà náà rárá.