Àlàyé Ìsàlẹ̀ Ìwé

a Nínú ayé burúkú yìí, ó ṣòro kéèyàn tó rí àwọn tó nífẹ̀ẹ́ òdodo tó sì fẹ́ ṣe ohun tó tọ́ lójú Ọlọ́run. Síbẹ̀, ọ̀pọ̀ mílíọ̀nù èèyàn ló ń ṣe ohun tó tọ́ lákòókò wa yìí. Ó dájú pé ìwọ náà wà lára wọn. Ìdí tó o fi nífẹ̀ẹ́ òdodo ni pé o nífẹ̀ẹ́ Jèhófà, Jèhófà náà sì nífẹ̀ẹ́ òdodo. Àmọ́, báwo la ṣe lè túbọ̀ nífẹ̀ẹ́ òdodo? Nínú àpilẹ̀kọ yìí, a máa mọ ohun tí òdodo jẹ́ àti bí ayé wa ṣe lè dáa sí i tá a bá ń ṣòdodo. A tún máa sọ̀rọ̀ nípa àwọn nǹkan tá a lè ṣe táá jẹ́ ká túbọ̀ nífẹ̀ẹ́ òdodo.