-
Ṣé Iṣẹ́ Rẹ Yóò La Iná Já?Ilé Ìṣọ́—1998 | November 1
-
-
4. (a) Ipa wo ni Pọ́ọ̀lù kó nínú iṣẹ́ ilé kíkọ́ ti àwọn Kristẹni? (b) Èé ṣe tí a fi lè sọ pé Jésù àti àwọn olùgbọ́ rẹ̀ mọ ìjẹ́pàtàkì fífi ìpìlẹ̀ tí ó dára lélẹ̀?
4 Bí ilé kan yóò bá dúró gbọn-in, tí yóò sì wà fún ìgbà pípẹ́, ìpìlẹ̀ rẹ̀ gbọ́dọ̀ dára. Nípa bẹ́ẹ̀, Pọ́ọ̀lù kọ̀wé pé: “Ní ìbámu pẹ̀lú inú rere àìlẹ́tọ̀ọ́sí Ọlọ́run tí a fi fún mi, gẹ́gẹ́ bí ọlọ́gbọ́n olùdarí àwọn iṣẹ́, èmi fi ìpìlẹ̀ lélẹ̀.” (1 Kọ́ríńtì 3:10) Nígbà tí Jésù Kristi ń lo irú àkàwé kan náà, ó sọ nípa ilé kan tí kò wó lulẹ̀ nígbà tí ìjì jà, nítorí pé ẹni tí ó kọ́ ọ yàn láti lo ìpìlẹ̀ lílágbára. (Lúùkù 6:47-49) Kò sí ohun tí Jésù kò mọ̀ nípa bí ìpìlẹ̀ ti ṣe pàtàkì tó. Ìṣojú rẹ̀ ni Jèhófà ṣe fi ìpìlẹ̀ ayé lélẹ̀.a (Òwe 8:29-31) Àwọn tí Jésù ń bá sọ̀rọ̀ pẹ̀lú mọyì ìpìlẹ̀ tí ó dára. Àwọn ilé tí ó ní ìpìlẹ̀ dídúró gbọn-in nìkan ni ó lè la omíyalé àti ìsẹ̀lẹ̀ tí ó máa ń wáyé lẹ́ẹ̀kọ̀ọ̀kan ní Palẹ́sìnì já. Ṣùgbọ́n, irú ìpìlẹ̀ wo ni Pọ́ọ̀lù ní lọ́kàn?
-
-
Ṣé Iṣẹ́ Rẹ Yóò La Iná Já?Ilé Ìṣọ́—1998 | November 1
-
-
a “Ìpìlẹ̀ ilẹ̀ ayé” lè tọ́ka sí àwọn agbára tí ó ṣeé fojú rí tí ó gbé ayé ró—àti gbogbo ohun tí ń bẹ ní ọ̀run—tí ó mú kí ó dúró gbọn-in ní ipò rẹ̀. Ní àfikún sí i, a ṣàgbékalẹ̀ ilẹ̀ ayé lọ́nà tí ó jẹ́ pé kò fi ní lè “ta gbọ̀n-ọ́n gbọ̀n-ọ́n,” tàbí parun láé.—Sáàmù 104:5.
-