7. Kí nìdí tí Jèhófà fi sọ fún Ìsíkíẹ́lì pé kó pín irun tó fá yẹn sí ọ̀nà mẹ́ta, kó sì ṣe ohun tó yàtọ̀ síra sí ìpín kọ̀ọ̀kan?

⁷ Kí nìdí tí Jèhófà fi sọ fún Ìsíkíẹ́lì pé kó pín irun tó fá yẹn sí ọ̀nà mẹ́ta, kó sì ṣe ohun tó yàtọ̀ síra sí ìpín kọ̀ọ̀kan? (Ka Ìsíkíẹ́lì 5:​7-12.) Ìsíkíẹ́lì dáná sun ìdá kan nínú irun yẹn “nínú ìlú náà” láti fi yé àwọn tó ń wòran pé àwọn kan lára àwọn tó ń gbé Jerúsálẹ́mù máa kú sínú ìlú náà. Ó fi idà gé ìdá mẹ́ta míì “káàkiri ìlú náà” láti fi hàn pé wọ́n máa pa àwọn míì lára àwọn olùgbé Jerúsálẹ́mù káàkiri ẹ̀yìn odi ìlú náà. Ó sì fọ́n ìdá mẹ́ta yòókù sínú afẹ́fẹ́ láti fi hàn pé àwọn kan lára àwọn tó ń gbé Jerúsálẹ́mù máa fọ́n ká sáàárín àwọn orílẹ̀-èdè, àmọ́ “idà” máa “lé wọn bá.” Torí náà, ibi yòówù kí àwọn tó yè bọ́ náà sá lọ láti máa gbé, ọkàn wọn ò ní balẹ̀.

• 

  ‘Sun Ún’

  Àwọn kan máa kú sínú ìlú náà

• 

  ‘Fi Idà Gé E’

  Wọ́n máa pa àwọn kan káàkiri ẹ̀yin odi ìlú náà

• 

  ‘Fọ́n Ọn Ká’

  Àwọn kan máa yè bọ́, àmọ́ ọkàn wọn ò ní balẹ̀

¹⁰ Ọ̀rọ̀ Ọlọrun fi hàn pé àwọn tó ń ti ìsìn èké lẹ́yìn máa yè bọ́ nígbà tí ètò ìsìn èké bá pa run. Ìbẹ̀rù máa mú kí wọ́n dara pọ̀ mọ́ onírúurú èèyàn tó ń wá ibi tí wọ́n máa fara pa mọ́ sí. (Sek. 13:​4-6; Ìfi. 6:​15-17) Ọ̀rọ̀ wọn mú ká ronú nípa ohun tó ṣẹlẹ̀ sí àwọn olùgbé Jerúsálẹ́mù àtijọ́ tí wọ́n yè bọ́ nígbà ìparun ìlú náà tí wọ́n sì fọ́n ká “sínú afẹ́fẹ́.” Bá a ṣe sọ ní ìpínrọ̀ 7, bó tiẹ̀ jẹ́ pé wọ́n yè bọ́ nígbà yẹn, Jèhófà ‘mú idà, ó sì lé wọn bá.’ (Ìsík. 5:2) Bákan náà, ibi yòówù kí àwọn tó bá yè bọ́ nígbà ìparun ìsìn èké sá lọ láti fara pa mọ́, wọn ò ní bọ́ lọ́wọ́ idà Jèhófà. Ó máa pa àwọn àti gbogbo àwọn ẹni bí ewúrẹ́ run ní Amágẹ́dọ́nì.​—Ìsík. 7:4; Mát. 25:​33, 41, 46; Ìfi. 19:​15, 18.