“IGBA MEJE” NAA​—⁠BAWO NI Ó TI GÙN TÓ?

23. Eeṣe tí Akoko awọn Keferi fi nilati nasẹ̀ dé ọjọ wa?

²³ Dajudaju, nigba naa, “igba meje” naa gẹgẹ bi a ti lò ó fun Akoko awọn Keferi nilati gùn gan-⁠an pupọpupọ jù ọdun meje lasan lọ. Ranti pe, Jesu sọrọ nipa ‘imuṣẹ’ tabi opin Akoko awọn Keferi wọnyi ní isopọ pẹlu ‘ipari eto-igbekalẹ awọn nǹkan.’ (Luku 21:​7, 24; Matteu 24:⁠3) Nitori naa wọn nilati nasẹ̀ dé ọjọ wa. Bawo ni wọn tilẹ ti gùn tó gan-⁠an?

24. Bawo ni a ṣe lè tumọ gígùn “igba meje” naa?

²⁴ Bi a bá yíjúsí Ìfihàn ori 12, awa yoo kiyesi pe ẹsẹ 6 ati 14 fi sáà 1,260 ọjọ hàn pe ó jẹ́ ‘akoko kan ati awọn akoko ati idaji akoko,’ tabi 1 + 2 + ¹/₂ tí ó jẹ́ aropọ 3 ¹/₂ akoko. Nitori naa, “akoko kan” yoo jẹ́ 360 ọdun, tabi oṣu oṣupa 12 tí ọkọọkan rẹ̀ jẹ́ 30 ọjọ ní ipindọgba. “Igba meje” yoo jẹ́ 2,520 ọjọ; iṣiro Bibeli lọna asọtẹlẹ ti “ọjọ kan fun ọdun kan, ọjọ kan fun ọdun kan,” sì fihan pe awọn wọnyi nitootọ yoo jásí 2,520 ọdun inu kalẹnda. (Numeri 14:34; Esekieli 4:⁠6) Nitori naa, eyi ni gígùn “igba meje” naa​—⁠Akoko awọn Keferi.

[Àpótí tó wà ní ojú ìwé 135]

ṢÍṢÍRÒ “IGBA MEJE” NAA

“igba” 7 = 7 × 360 = 2,520 ọdun

(“igba” tabi ọdun inu Bibeli jẹ́ ipindọgba laaarin ọdun ti a fi yíyọ oṣupa kà 354 ọjọ ati eyi ti a fi iyipo oorun kà ti 365 ¹/₄ ọjọ)

607 B.C.E. si 1 B.C.E. = 606 ọdun

1 B.C.E. si 1 C.E. = 1 ọdun

1 C.E. si 1914 C.E. = 1,913 ọdun

607 B.C.E. si 1914 C.E. = 2,520 ọdun