Sibẹ, diẹ ninu ohun ti Jesu sọ rekọja irin ajo iwaasu awọn apọsteli. Oun sọ fun wọn pe: “Ẹ ṣọra lọdọ awọn eniyan; . . . a o fipa fa yin lọ si iwaju awọn gomina ati awọn ọba nitori temi, fun ẹri si wọn ati awọn orilẹ-ede.” (Matiu 10:17, 18, NW) Ninu irin ajo yẹn, awọn mejila naa ni o ṣeeṣe ki wọn dojukọ iṣatako, ṣugbọn ko si ẹri eyikeyii pe a mu wọn lọ “si iwaju awọn gomina ati awọn ọba” lati fun awọn orilẹ-ede ni ijẹrii.a Ni awọn ọdun ti o tẹle, awọn apọsteli farahan niwaju awọn alakooso, iru bi awọn Ọba Hẹrọdu Agiripa Kin-inni ati keji Sergius Paulus, Galio, koda Olu-Ọba Nero paapaa. (Iṣe 12:1, 2; 13:6, 7; 18:12; 25:8-12, 21; 26:1-3) Nitori naa awọn ọrọ Jesu ni ifisilo diẹ lẹhin naa.